ءبىر اي ىشىندە قازاقستاننىڭ باسىم بولىگىندە قالىپتان تىس ىستىق جانە قۇرعاق اۋا رايى بايقالدى. اۋانىڭ ورتاشا ايلىق تەمپەراتۋراسى تامىزدا رەسپۋبليكانىڭ كوپ بولىگىندە, اسىرەسە باتىس جانە وڭتۇستىك ايماقتاردا كليماتتىق نورمادان 1-6°س جوعارى بولدى. 2021 جىلدىڭ تامىزى 2008, 2010, 2012, 2014, 2016 جىلدارداعى اۋا تەمپەراتۋراسىن قايتالادى. جاۋىن-شاشىننىڭ تارالۋى بويىنشا مۇنداي قۇرعاق اۋا رايى سوڭعى رەت 2014, 2016 جىلدارى بايقالعان.
ەڭ ىستىق كۇندەرى باتىس جانە وڭتۇستىك ايماقتاردا اۋا تەمپەراتۋراسى +38, +46°س دەيىن جەتتى. مىسالى, اققۇدىق مەتەوستانتسياسىندا (ماڭعىستاۋ وبلىسى) 8 تامىزدا اۋانىڭ ەڭ جوعارى تەمپەراتۋراسى + 45,7°س تىركەلگەن. بۇل كورسەتكىش 2011 جىلى + 46,5 ° س بولعان ەدى.
