«قىزىل انار» – زورلىق-زومبىلىقتان امان قالىپ, ادىلدىك ىزدەگەن ايەلدىڭ وقيعاسىنا قۇرىلعان فيلم. شاريپا ورازباەۆانىڭ سوزىمەن ايتساق, «بۇل كەزەكتى الەۋمەتتىك دراما ەمەس, شىنايى وقيعالارمەن ورىلگەن پوەتيكالىق كينو».
فيلم رەكوردتىق ۋاقىتتا, ياعني 12 كۇندە تاسپالانىپ بىتكەن. ءتۇسىرىلىم جۇمىستارى نەگىزىنەن الماتى وبلىسىندا ءوتتى.
كينوفەستيۆالدە «قىزىل اناردان» بولەك يران, جاپونيا, وڭتۇستىك كورەيا, قىتاي, ءۇندىستان, ۆەتنام ەلدەرىنەن 10 فيلم وسى اتالىمدا باق سىناسادى. بايقاۋ ەرەجەسى بويىنشا قازىلار القاسى ەكى جەڭىمپازدى تاڭداپ, ارقايسىسى 30,000 دوللار كولەمىندە جۇلدەگە يە بولادى.
پۋسان حالىقارالىق كينوفەستيۆالى – 1996 جىلدان بەرى وڭتۇستىك كورەيانىڭ پۋسان قالاسىندا جىل سايىن وتكىزىلەتىن ازياداعى ەڭ ءىرى بايقاۋ. كينو دوداسى بيىل 6-15 قازان ارالىعىندا وتەدى.
ايتا كەتەيىك, «قىزىل انار» شاريپا ورازباەۆانىڭ تولىقمەتراجدى ەكىنشى تۋىندىسى. رەجيسسەر العاشقى ء«ماريام» اتتى تولىقمەتراجدى ءفيلمى ءۇشىن لوندوندا وتكەن 22-حالىقارالىق Rainbow Film Festival كينوفەستيۆالىندە «ۇزدىك رەجيسسەر ايەل» اتانعان.
