بۇل تۋرالى پرەزيدەنت تەلەراديوكەشەنىنىڭ ءباسپاسوز قىزمەتى حابارلادى. 15 بولىمنەن تۇراتىن جوبا «ۇلتتىق كينونى قولداۋ مەملەكەتتىك ورتالىعىنىڭ» قولداۋىمەن جۇزەگە اسادى. ءتۇسىرىلىم جۇمىستارى الماتى قالاسى مەن الماتى وبلىسىنىڭ اۋماعىندا 25 قازانعا دەيىن جۇرەدى.
«تەلەۆيزيا جوباسىنىڭ ءار سەرياسى تولىققاندى سيۋجەتكە قۇرىلادى. سيۋجەتتەردە باس كەيىپكەردىڭ ءرولىن نۇرلان ءالىمجانوۆ, جان بايجانباەۆ, ەرىك جولجاقسىنوۆ, تۇڭعىشباي جامانقۇلوۆ, ارۋجان جازىلبەكوۆا, بەرىك ايتجانوۆ, ايان وتەپبەرگەن سياقتى تانىمال قازاقستاندىق اكتەرلەر سومدايدى. جوبا اۆتورلارى كۇردەلى رەجيسسەرلىك شەشىمدەر ارقىلى ۇلى ويشىلدىڭ اڭىزعا اينالعان «قارا سوزدەرىن» جاڭا قىرىنان اشۋعا تىرىسادى», دەپ جازىلعان رەسمي مالىمەتتە.
«تەلەراديوكەشەننىڭ باس ديرەكتورى راۋشان قاجىباەۆانىڭ ايتۋىنا قاراعاندا, تەرەراديوكەشەن ۇجىمى بۇل جوباعا ۇلكەن جاۋاپكەرشىلىكپەن كىرىسىپ وتىر. «ونىڭ فيلوسوفيا پايىمدارى مەن دانالىعى ۋاقىت وتكەن سايىن وزەكتى بولا تۇسكەن. ويشىلدىڭ «قارا سوزدەرى» قوعامنىڭ رۋحاني-مادەني ومىرىنە باعدار بەرىپ تۇر», دەيدى راۋشان قاجىباەۆا.
«اقىرى ويلادىم: ويىما كەلگەن نارسەلەردى قاعازعا جازا بەرەيىن, اق قاعاز بەن قارا سيانى ەرمەك قىلايىن, كىمدە-كىم ىشىنەن كەرەكتى ءسوز تاپسا, جازىپ السىن, يا وقىسىن, كەرەگى جوق دەسە, ءوز ءسوزىم وزىمدىكى دەدىم دە, اقىرى وسىعان بايلادىم, ەندى مۇنان باسقا ەشبىر جۇمىسىم جوق». ۇلى اقىننىڭ سول ايتقانى اينىماي كەلىپ, بۇگىن جۇرت «قارا سوزبەن» جازىلعان رۋحاني مۇرانى ءالى ازىق قىلىپ كەلەدى», دەپ جازادى كەشەننىڭ ءباسپاسوز قىزمەتى.
