6 قىركۇيەكتە نۇر-سۇلتان قالاسى بويىنشا شاشامەن ساعات 04.55-تە ماڭعىستاۋ وبلىسى «قازمۇنايتەڭىز» تمك» جشس-نە قاراستى بورانقۇل كەن ورنىندا ەكى قاباتتى جاتاقحانادا ءورت شىقتى.
قازىر ۋاقىتتا ءورت اۋىزدىقتالدى. ءورتتى سوندىرۋگە «قازمۇنايتەڭىز» جشس ورتكە قارسى قىزمەتىنىڭ 2 ءورت توبى جۇمىلدى. ءورتتىڭ شىعۋ سەبەپتەرى انىقتالىپ جاتىر.
«الدىن الا مالىمەتتەر بويىنشا وقيعا كەزىندە ەكى ادام قازا تاۋىپ, ءۇش ادام جاراقات العان», دەلىنگەن حابارلامادا.
وقيعا ورنىنا «قازمۇنايتەڭىز» جشس فيليالىنىڭ باسشىلىعى باردى. «قازمۇنايگاز» ۇك اق-دا باسقارما توراعاسى اليك ايدارباەۆتىڭ جەتەكشىلىگىمەن وپەراتيۆتىك شتاب قۇرىلدى. جەدەل شتابتىڭ قۇرامىنا ءتيىستى قۇرىلىمدىق بولىمشەلەردىڭ قىزمەتكەرلەرى كىردى.
