كەشە ەلباسى ن. نازارباەۆتىڭ «قازاقستان جولى–2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن جۇزەگە اسىرۋداعى «نۇر وتان» پارتياسى استانا قالالىق فيليالى ساياسي كەڭەسىنىڭ وتىرىسى ءوتتى. «نۇر وتان» پارتياسى اقف توراعاسى يمانعالي تاسماعامبەتوۆتىڭ ءتوراعالىعىمەن وتكەن وتىرىستا ساياسي كەڭەستىڭ الداعى ۋاقىتتاعى ءمىندەتتەرى ايقىندالىپ, جان-جاقتى تالقىلاندى.
كەشە ەلباسى ن. نازارباەۆتىڭ «قازاقستان جولى–2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن جۇزەگە اسىرۋداعى «نۇر وتان» پارتياسى استانا قالالىق فيليالى ساياسي كەڭەسىنىڭ وتىرىسى ءوتتى. «نۇر وتان» پارتياسى اقف توراعاسى يمانعالي تاسماعامبەتوۆتىڭ ءتوراعالىعىمەن وتكەن وتىرىستا ساياسي كەڭەستىڭ الداعى ۋاقىتتاعى ءمىندەتتەرى ايقىندالىپ, جان-جاقتى تالقىلاندى.
جيىندا ءسوز العان استانا قالاسىنىڭ اكىمى ەلباسىنىڭ بيىلعى جولداۋىنىڭ ستراتەگيالىق ماڭىزى زور ەكەنىن ايتا كەلە, ونىڭ نەگىزىندە دامىعان 30 ەلدىڭ قاتارىنا كىرۋ مىندەتى تۇرعاندىعىن اتاپ ءوتتى. «بۇل جولداۋدىڭ ءبىر جاڭاشىلدىعى – وندا «ماڭگىلىك ەل» ۇلتتىق يدەياسى كورىنىس تاپقان. وسى ورايدا, «نۇر وتان» پارتياسىنىڭ استانا قالالىق فيليالىنىڭ الدىندا پرەزيدەنتتىڭ جولداۋىندا ايقىندالعان مىندەتتەردى جۇزەگە اسىرۋ ماسەلەسى تۇر», دەدى ي.تاسماعامبەتوۆ.
بۇدان كەيىنگى كەزەكتە ول ءسوز كەزەگىن پارلامەنت سەناتىنىڭ دەپۋتاتى ۆلاديمير رەدكوكاشينگە بەردى. سەنات دەپۋتاتى, «ەلباسى ن.نازارباەۆتىڭ جولداۋىن جۇزەگە اسىرۋداعى «نۇر وتان» پارتياسى استانا قالالىق فيليالى ساياسي كەڭەسىنىڭ مىندەتتەرى تۋرالى» تاقىرىبى بويىنشا بايانداما جاساي كەلە, جولداۋدىڭ ءمان-ماڭىزىنا توقتالدى. «بۇل جولداۋدىڭ تاريحي, ەلدى دامىتۋداعى ستراتەگيالىق ماڭىزى وراسان. سەبەبى, ستراتەگيالىق قۇجاتتا مەملەكەتتى العا جىلجىتاتىن تەتىكتەر ناقتى كورسەتىلگەن», دەدى ۆ. رەدكوكاشين. سەنات دەپۋتاتى, اسىرەسە, جولداۋدا ايتىلعان ءبىلىم جانە عىلىم, دەنساۋلىق ساقتاۋ جۇيەسىن دامىتۋ, مەملەكەتتى الەۋمەتتىك جاعىنان جاڭعىرتۋ ماسەلەلەرىنە ايرىقشا توقتالا كەلە, بۇل سالالاردىڭ ەلدىڭ العا جىلجۋىنا ايتارلىقتاي دارەجەدە ىقپال ەتەتىنىن تىلگە تيەك ەتتى. ال ەلىمىزدەگى ازەربايجان مادەني ورتالىقتارى وداعىنىڭ توراعاسى ۆيدادي سالاحوۆ جولداۋداعى «ءماڭگىلىك ەل» يدەياسىنىڭ ماڭىزىنا ءمان بەرە وتىرىپ, «مەملەكەت الدىنداعى تۇرعان ستراتەگيالىق مىندەتتەردى ءجۇزەگە اسىرۋدا قوعامداعى تۇراقتىلىق, بىرلىك پەن كەلىسىم ايتارلىقتاي ءرول اتقارادى» دەگەن پىكىرىن ءبىلدىردى.
وتىرىس اياسىندا نازارباەۆ ۋنيۆەرسيتەتىنىڭ ەنشىلەس ۇيىمى – «University Service Management» ستراتەگيالىق دامۋ جانە ءۇيلەستىرۋ باسقارماسىنىڭ باسشىسى, «قولقانات» باستاۋىش پارتيا ۇيىمىنىڭ ءتورايىمى ءاليا راقىشەۆا دا ءسوز الدى. ول ەلباسى جولداۋىندا كوتەرىلگەن ەلدىڭ ءبىلىم جانە عىلىم جۇيەسىن ساپالىق دەڭگەيگە كوتەرۋ ماسەلەسى جونىندە ءوز وي-پايىمىمەن ءبولىستى. «مەملەكەت باسشىسى ەل نازارىنا ۇسىنعان «ماڭگىلىك ەل» يدەياسى حالىقتىڭ ەڭسەسىن كوتەرىپ, قادامىن نىقتايتىن, كەلەشەككە جول سىلتەيتىن تەمىرقازىققا اينالۋى ءتيىس. جولداۋدا ەلباسى نازار اۋدارعان باسىم باعىتتاردىڭ ءبىرى – عىلىم سالاسى. زامان اعىمىنا ساي, ەل ەكونوميكاسى عىلىمعا نەگىزدەلگەن ءوندىرىستى قاجەت ەتەتىنىنە كوزىمىز جەتىپ وتىر. ەگەر, الەمدىك تاجىريبەگە زەر سالاتىن بولساق, دامىعان ەلدەر وزدەرىنىڭ ىشكى جالپى ءونىمىنىڭ 3-5 پايىزىن عىلىمعا ءبولىپ كەلەدى. دەمەك, جولداۋدا ايتىلعانداي, ەلىمىز ءوزىنىڭ ىشكى جالپى ءونىمىنىڭ 3 پايىزىن عىلىمدى وركەندەتۋگە جۇمساۋى كەرەك», دەدى ءا. راقىشەۆا.
وتىرىس سوڭىندا استانا قالاسىنىڭ اكىمى يمانعالي تاسماعامبەتوۆ «نۇر وتان» پارتياسىنىڭ استانا قالالىق فيليالى جولداۋدى حالىققا ءتۇسىندىرۋ بويىنشا اقپاراتتىق-ناسيحاتتىق توپتارىنىڭ, ۇيىمداستىرۋشىلىق, يدەولوگيالىق جانە باقىلاۋ ءىس-شارالارىنىڭ جوسپارىن دايىنداۋعا ايرىقشا ءمان بەرۋ قاجەتتىگىن اتاپ ءوتتى.
ءلايلا ەدىلقىزى,
«ەگەمەن قازاقستان».
