پالاتا سپيكەرى نۇرلان نىعماتۋليننىڭ توراعالىعىمەن وتكەن ءماجىلىس بيۋروسىندا جالپى وتىرىستا قارالاتىن ماسەلەلەر بەلگىلەندى, دەپ حابارلادى ءماجىلىستىڭ ءباسپاسوز قىزمەتى.
پالاتا سپيكەرى نۇرلان نىعماتۋليننىڭ توراعالىعىمەن وتكەن ءماجىلىس بيۋروسىندا جالپى وتىرىستا قارالاتىن ماسەلەلەر بەلگىلەندى, دەپ حابارلادى ءماجىلىستىڭ ءباسپاسوز قىزمەتى.
پالاتا قاراۋىنا قىلمىستىق كودەكستىڭ جوباسى ىلەسپە تۇزەتۋلەرىمەن ءبىرىنشى وقىلىمعا شىعارىلادى. سالالىق كوميتەت بيۋروعا بايانداۋ بارىسىندا قىلمىستىق كودەكس جوباسىنىڭ جاڭا رەداكتسياسى قازاقستان رەسپۋبليكاسى پرەزيدەنتىنىڭ 2012 جىلعى 6 قاڭتارداعى تاپسىرماسىنا وراي, 2010-2020 جىلدارعا ارنالعان ساياسي-قۇقىقتىق تۇجىرىمداماسىنىڭ ەرەجەلەرى مەن مەملەكەتتىڭ حالىقارالىق مىندەتتەمەلەرىن جۇزەگە اسىرۋ قاجەتتىگىن ەسكەرە وتىرىپ جاسالعانىن اتاپ ءوتتى.
جالپى وتىرىستىڭ كۇن ءتارتىبىنىڭ جوباسىنا تۇركىتىلدەس مەملەكەتتەردىڭ ىنتىماقتاستىق كەڭەسى حاتشىلىعىنىڭ قارجىلىق قاعيدالارى تۋرالى كەلىسىمدى راتيفيكاتسيالاۋعا قاتىستى زاڭ جوباسى دا قوسىلدى.
وسىلارمەن قاتار, پالاتاعا راتيفيكاتسيالاناتىن ەكى زاڭ جوباسىنا: «جالاقىنى قورعاۋ تۋرالى (95-كونۆەنتسيا) جانە ەڭ تومەنگى جالاقىنى بەلگىلەۋ ءراسىمىن جاساۋ تۋرالى» (26-كونۆەنتسيا) قورىتىندى ازىرلەۋ مەزگىلىن ناقتىلاۋ ۇسىنىلدى.
