قازاقستان • 03 قىركۇيەك، 2021

ەلىمىزدەگى سۋارمالى القاپتار كولەمى قىسقاردى

129 رەت كورسەتىلدى

ەكولوگيا، گەولوگيا جانە تابيعي رەسۋرستار مينيسترلىگىندە ۆەگەتاتسيالىق كەزەڭنىڭ قورىتىندىلارى شىعارىلدى، دەپ حابارلايدى Egemen.kz.

«بيىلعى جىل ەلىمىزدىڭ وڭتۇستىك وڭىرلەرى ءۇشىن سۋى از تسيكل جاعدايىندا ءوتتى. الايدا، ۋاقىتىلى قابىلدانعان شارالار مەن سۋ شارۋاشىلىعى ماماندارىنىڭ كاسىبي جۇمىسىنىڭ ارقاسىندا وتاندىق فەرمەرلەردى سۋارمالى سۋمەن قامتاماسىز ەتۋگە جانە ەگىننىڭ جوعالۋىنا جول بەرمەۋگە مۇمكىندىك تۋدى»، دەپ اتاپ ءوتتى مينيستر ماعزۇم مىرزاعاليەۆ.

تۇركىستان، قىزىلوردا، جامبىل جانە الماتى وبلىستارىنىڭ فەرمەرلەرى سۋارمالى سۋدىڭ 97%-ىن تۇتىنادى.

بولجانىپ وتىرعان سۋ ازدىعىن ەسكەرە وتىرىپ، جىل باسىنان باستاپ اۋىل شارۋاشىلىعى مينيسترلىگىمەن بىرلەسىپ وڭىرلەرگە ساپار جۇرگىزىلدى، ولاردىڭ بارىسىندا جەرگىلىكتى اتقارۋشى ورگاندار مەن فەرمەرلەر الەۋەتتى تاۋەكەلدەر جانە كۇردەلى ۆەگەتاتسيالىق كەزەڭگە دايىندىق قاجەتتىلىگى تۋرالى الدىن الا حاباردار ەتىلدى.

ماسەلەن، تۇركىستان وبلىسىندا ماقتا القابى 17،9 مىڭ گەكتارعا، قىزىلوردا وبلىسىندا كۇرىش – 7،1 مىڭ گەكتارعا، الماتى وبلىسىندا كۇرىش - 2،4 مىڭ گەكتارعا قىسقارتىلدى.

بۇدان باسقا، ۆەگەتاتسيا باستالار الدىندا «توقتوعۇل» (قىرعىزستان) سۋ قويماسىنىڭ تولىمدىلىعى نورمادان 52% عانا قۇراعانىنا قاراماستان، سىرداريا وزەنىنىڭ جوعارعى ەلدەرىمەن (قىرعىزستان، تاجىكستان جانە وزبەكستان) كەلىسسوزدەر ناتيجەسىندە تۇركىستان جانە قىزىلوردا وبلىستارىنىڭ فەرمەرلەرى «توقتوعۇل» جانە «باحري توچيك» سۋ قويمالارىنان قوسىمشا 700 ميلليون تەكشە مەتر سۋ الدى، بۇل وتكەن جىلمەن سالىستىرعاندا 24%-عا ارتىق.

«اعىمداعى جىلدىڭ تاجىريبەسى قابىلدانعان شارالاردىڭ تيىمدىلىگىن كورسەتتى. الايدا، بىزگە سۋدى ۇتىمدى پايدالانۋعا كوشۋ، سۋمەن جابدىقتاۋدى تسيفرلاندىرۋ، قازىرگى زامانعى سۋ ۇنەمدەۋ تەحنولوگيالارىن پايدالانۋ جانە قولدانىستاعى ارنالاردى رەكونسترۋكتسيالاۋ جونىندەگى جۇمىستاردى جەدەلدەتۋ قاجەت»، دەپ اتاپ ءوتتى ەگترم باسشىسى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار