نۇرجان ءجۇمادىلوۆ بۇعان دەيىن وبلىستىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بولدى.
نۇرجان سايلاۋبەك ۇلى ءجۇمادىلوۆ 1969 جىلى شقو اياگوز اۋدانىنىڭ تارباعاتاي اۋىلىندا دۇنيەگە كەلگەن. ول وسكەمەن قۇرىلىس-جول ينستيتۋتى مەن د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىن «ينجەنەر-قۇرىلىسشى», «ەكونوميكا جانە بيزنەس باكالاۆرى» ماماندىقتارى بويىنشا بىتىرگەن.
ەڭبەك جولىن 1993 جىلى اياگوز اۋدانىنداعى دەۋ-25-تە جول شەبەرى بولىپ باستاعان. ءبىراز ۋاقىتتان كەيىن پروراب, ودان سوڭ وسى ۇيىمنىڭ وندىرىستىك-تەحنيكالىق ءبولىمىنىڭ باستىعى بولدى.
2001 جىلى «قازاقاۆتوجول» رمك شىعىس قازاقستان وبلىستىق فيليالىنىڭ 71-جول پايدالانۋ ۋچاسكەسىن باسقاردى.
2006 جىلدان 2009 جىلعا دەيىن اۆتوموبيل جولدارى كوميتەتىنىڭ شىعىس قازاقستان وبلىستىق دەپارتامەنتىنىڭ ساپانى باقىلاۋ جانە جۇمىستاردى قابىلداۋ بولىمدەرىن باسقاردى.
2009 جىلدان وسى كۇنگە دەيىن شقو جولاۋشىلار كولىگى جانە اۆتوموبيل جولدارى باسقارماسىن باسقارىپ كەلدى.
