قازاقستان • 03 قىركۇيەك، 2021

قازاقستاندا 93504 ادام ونلاين ساناقتان ءوتتى

11 رەت كورسەتىلدى

بۇگىن، 3 قىركۇيەكتە ساعات 9:00-دەگى جاعداي بويىنشا 93504 رەسپوندەنت ونلاين ساناقتان ءوتتى. ولاردىڭ 83188-ءى sanaq.gov.kz سايتىندا، 8639 Egov پورتالىنداعى سايت سىلتەمەسىن پايدالانا وتىرىپ جاۋاپ بەرسە، 1677 ادام ساناققا اitu قوسىمشاسى ارقىلى قاتىستى، دەپ حابارلايدى Egemen.kz.

بۇل تۋرالى ۇلتتىق ستاتيستيكا بيۋروسى مالىمدەدى.

العاشقى ەكى كۇننىڭ قورىتىندىسىمەن پاۆلودار وبلىسى الدا كەلە جاتىر. ايماقتا 16075 ادام ساناقتان وتكەن. ودان كەيىنگى ورىندا نۇر-سۇلتان قالاسى تۇر. ەلوردالىقتاردىڭ 15509-ى ساناق ساۋالدارىنا جاۋاپ بەرگەن.

بۇل كورسەتكىش بويىنشا ازىرگە سوڭعى ەكى ورىن ماڭعىستاۋ جانە اتىراۋ وبلىستارىنىڭ ەنشىسىندە. بۇل وڭىرلەردە سايكەسىنشە 1406 جانە 1230 ادام ساناقتان ءوتىپتى. ساناق پاراقتارىنداعى كەيبىر ساۋالدارعا قاتىستى تۇرعىندار تاراپىنان سىن ايتىلعان ەدى. ماسەلەن، «تۇرعىن ۇيلەردىڭ (تۇرعىن عيماراتتاردىڭ) سىرتقى قابىرعالارىنىڭ ماتەريالدارىن كورسەتىڭىز» دەگەن ساۋال نە ءۇشىن قويىلعانى تۋرالى.

ايتا كەتەرلىگى، بۇعان قاتىستى 11 ءتۇرلى جاۋاپ نۇسقاسى قاراستىرىلعان. بۇدان بولەك ساۋالداردىڭ اراسىندا ءۇيدىڭ ينفراقۇرىلىممەن قامتىلۋ دەڭگەيىن انىقتاۋعا باعىتتالعاندارى دا بار. بۇل ساۋالداردىڭ جاۋابى ارقىلى ءار ەلدى مەكەن، تۇتاس مەملەكەتتەگى تۇرعىن ءۇي قورىنىڭ جاي-كۇيى جان-جاقتى ساراپتالاتىن بولادى. تاعى ءبىر تالقىعا تۇسكەن سۇراقتاردىڭ ءبىرى – ء«سىز قانشا ءتىرى بالا تۋدىڭىز؟». سونىمەن قاتار نەلىكتەن سۇراققا ايەلدەر 15 جاستان باستاپ جاۋاپ بەرۋى كەرەك دەگەن پىكىر ايتىلۋدا. ايتا كەتەرلىگى، حالىق ساناعى بيىل 61 مەملەكەتتە وتەدى.

ال بۇۇ جاريالاعان راۋندقا سايكەس، 2020 جىلعا مەيىلىنشە جاقىن مەرزىمدە بارلىق مەملەكەتتەردە وتپەك. ماسەلەن ءبىزدىڭ ەلدە 16 جاستان باستاپ تۇرمىس قۇرۋعا مۇمكىندىك بەرىلەدى. وزگە مەملەكەتتەردە بۇل كورسەتكىش تومەن بولۋى مۇمكىن. سوندىقتان حالىقارالىق دەڭگەيدە مالىمەتتەردى بىرىزدەندىرۋ ماقساتىندا وسى جاس كورسەتكىشى بەلگىلەنگەن. ال ءتىرى تۋعان بالالار جونىندەگى ساۋالعا كەلەر بولساق، بۇل ساۋال ەۋروپالىق ستاتيستيكتەر كونفەرەنتسياسىنىڭ ۇسىنىسى بويىنشا قوسىمشا كورسەتكىشتەردى انىقتاۋ ءۇشىن قوسىلدى. بۇدان بولەك، ساۋالناما قورىتىندىسى بويىنشا نارەستەلەر ءولىمى كورسەتكىشىن ناقتىلاۋ جۇرگىزىلمەك. بۇل جەردە ناقتى ساناق جۇرگىزىلگەن ۋاقىتتاعى ەلدىڭ دەموگرافيالىق بەت-بەينەسى كورسەتىلەدى. حالىقارالىق ۇيىمداردىڭ كەڭەسىمەن قوسىلعان ساۋالداردىڭ ىشىندە ازاماتتاردىڭ دەنساۋلىق جاعدايىنا قاتىستىسى دا بار.

ماسەلەن، كورۋ، ەستۋ، ءجۇرۋ جانە ەستە ساقتاۋ قابىلەتىنە بايلانىستى ناقتىلاۋشى سۇراقتار ەنگىزىلگەن. بالالارعا قاتىستى تابىسى تۋرالى سۇراق قاجەت پە؟ دەگەن ساۋال دا كوپشىلىكتىڭ نازارىنا ىلىكتى. ءبىرىنشى كەزەكتە اتاپ ءوتۋ كەرەك، كامەلەت جاسىنا تولماعاندار ءۇشىن ولاردىڭ جاقىندارى، اتا-اناسى جانە قامقورشىلارى تولتىرا الادى. بۇل جەردە بالانىڭ تابىسى دەگەن سۇراقتا «تۋعان -تۋىسقانداردان نەمەسە جاقىنداردان (سولاردىڭ اسىراۋىندا) باسقا ماتەريالدىق كومەك» دەگەن نۇسقا بار.

سونداي-اق، بالاعا قاتىستى بەلگىلەنگەن تولەمدەر بار. ول الەۋمەتتىك جاردەماقى اليمەنت بولۋى مۇمكىن. ال جۇمىس ىستەۋگە رۇقسات ەتىلگەن جاستان باستاپ، ونىڭ تابىسىن كورسەتۋگە بولادى. ساناقتىڭ ەڭ العاشقى كەزەڭىندە ءبىر ادام باسقا دا وتباسى مۇشەلەرىن تاڭداي وتىرىپ، ءوزى تولتىرۋىنا مۇمكىندىگى بار. وسىلايشا ءبىر رەسپوندەنتتى عانا ەمەس، جالپى وتباسىنىڭ تابىس كورسەتكىشتەرى بويىنشا دا جالپىلاما مالىمەت ازىرلەنەدى.

ۇلتتىق ستاتيستيكا بيۋروسى ازاماتتاردىڭ بەلسەندىلىگى ءۇشىن العىس ايتا وتىرىپ، ساناقتى ونلاين وتۋگە شاقىرادى. sanaq.gov.kz سايتى 15 قازانعا دەيىن تاۋلىك بويى قولجەتىمدى بولماق.

ونلاين ساناقتان وتپەگەندەر 1-30 قازان ارالىعىندا ينتەرۆيۋەرلەردىڭ ساۋالدارىنا جاۋاپ بەرە الادى.

بارلىق ساۋالدار بويىنشا 1446 بايلانىس ورتالىعىنا حابارلاسۋعا بولادى. قوڭىراۋ شالۋ تەگىن.

 

 

سوڭعى جاڭالىقتار

ۇقساس جاڭالىقتار