ايماقتار • 02 قىركۇيەك، 2021

مەملەكەت باسشىسىنىڭ نازارىنداعى مەكتەپ پايدالانۋعا بەرىلدى

22 رەت كورسەتىلدى

وسىدان ەكى جىلعا جۋىق ۋاقىت بۇرىن «Egemen Qazaqstan» گازەتى ارال اۋدانىنداعى سەكسەۋىل ستانساسىندا جۇزدەگەن بالانىڭ تەمىر جول رەلستەرىن كەسىپ ءوتىپ مەكتەپكە قاتىناپ جۇرگەنىنە ەل نازارىن اۋدارعان ەدى.

تەمىرجولشىلار مەكەنىندەگى پروبلەمانى كوتەرگەن «تەمىر جولدى جاعالاپ توپ بالا ءجۇر» اتتى سول ماقالادان كەيىن مەملەكەت باسشىسى قاسىم-جومارت توقاەۆ Twitter-دەگى پاراقشاسىندا وزەكتى ماسەلەنى شەشۋ ءۇشىن ۇكىمەت ناقتى شارالار قابىلداۋى قاجەتتىگىن جازعان بولاتىن. وسىدان كەيىن كوپ ۇزاماي قۇرىلىسى باستالعان مەكتەپ بيىلعى ءبىلىم كۇنىندە پايدالانۋعا بەرىلدى.

ەكى قاباتتان تۇراتىن ءبىلىم وشا­عىنىڭ ءبىرىنشى سىنىبىنا 40 بالا قا­بىلدانىپ وتىر. ەكى اۋىسىمدا 442 بالا ءبىلىم الاتىن مەكتەپتە 20 سىنىپ كەشەنى، سپورت، ءماجىلىس زالدارى، كىتاپ­حانا، اسحانا بار.

جاڭا نىساننىڭ اشىلۋىندا وبلىس اكىمىنىڭ ورىنباسارى بالجان شامەنوۆا بالالاردى ءبىلىم كۇنىمەن قۇتتىقتاپ، جىل سايىن تۇرعىندار قاتارى كوبەيىپ كەلە جاتقان اۋماقتاعى تيپتىك مەكتەپ مەملەكەتتىڭ سالاعا دەگەن ەرەكشە قولداۋىنىڭ كورىنىسى ەكەنىن اتاپ ءوتتى.

تەمىر جول سالاسىنىڭ ارداگەرى بولەك­باي بەكتۇرعانوۆتىڭ ايتۋىنشا، جۇرت كوپتەپ قونىس تەبە باستاعان اۋداننان مەك­تەپ سالۋ ماسەلەسى سوڭعى 20 جىل بەدەرىن­دە دۇركىن-دۇركىن كوتەرىلىپ كەلگەن ەكەن.

«پويىزدار جۇيتكىپ جاتقان جولدى كە­سىپ ءوتۋدىڭ قاۋپىن ايتىپ جاتۋ ارتىق شى­عار. سول جولمەن مەكتەپكە كەتكەن بالا­سى قايتىپ كەلگەنشە ۇلكەندەر جاندارىن شۇبە­رەك­كە ءتۇيىپ وتىراتىن ەدى. باس گازەتتە كوتەرىل­گەن ماسەلەنى نازارعا الىپ، ءتيىستى ورىن­دارعا تاپسىرما بەرگەن مەملەكەت باسشى­سى­نا، جاقسى ءىستىڭ باسىندا جۇرگەن ازامات­تارعا ايتار العىسىمىز شەكسىز»، دەيدى ارداگەر.

كەنت تۇرعىنى گۇلناز ابدىل­داەۆا كىشكەنتايىن ءبىرىنشى سىنىپقا الىپ كەلىپتى. بۇرىن شويىن جولدىڭ ارعى بەتىنە قاتىناپ وقىپ كەلگەن ەكى قىزى دا ەندى جاڭا مەكتەپتە وقيدى.

«بالالارىمىز ون بەس رەلس­تەن ءوتىپ كەلگەنشە الاڭداپ، الدىنان شىعىپ كۇتىپ الاتىنبىز. اسىرەسە ەرتە قاس قارايا­تىن قىستىڭ كۇنى قيىن ەدى. شۇكىر، ول كۇندەر دە ارتتا قالدى» دەيدى ول.

– ون بەس مىڭعا جۋىق تۇرعىنى بار كەنتتەگى ۇلكەن ماسەلە – بار مەكتەپتىڭ تەمىر جولدىڭ ءبىر جاق بەتىندە ورنالاس­قان­دىعى ەدى. ەندى ول تولىعىمەن شەشىلدى. شو­يىن جولدىڭ وسى بەتىندەگى بالا­نىڭ ءبارى جاڭا مەكتەپتە ءبىلىم الادى. جالپى، جىل سايىن وب­لىستا ءبىلىم وشاعى­نىڭ تابال­دى­رىعىن تۇڭ­عىش اتتايتىن بالا­لاردىڭ قاتارى كوبەيىپ كەلە جات­قانى بايقالادى. بيىل وڭىردە 7 004 تۇلەك مەكتەپ بىتىرسە، ءبىرىن­شى سىنىپقا 18 279 بالا قا­بىل­د­انىپ وتىر. وسىعان بايلانىستى مەملەكەت-جەكەمەنشىك ارىپتەستىگى اياسىندا سالىناتىن ءبىلىم وشاقتارىنىڭ قاتارىن كوبەي­تۋدى قولعا الدىق. بيىل 6 مەكتەپ پايدالانۋعا بەرىلسە، الداعى 5 جىل­دا 28 ءبىلىم وشاعى بوي كوتەرە­دى، – دەيدى وبلىس­تىق ءبىلىم باس­قار­­ما­سىنىڭ باسشىسى اقزيرا قاسىموۆا.

سالتاناتتى شارادان كەيىن سانيتار­لىق تالاپتى ساقتاي وتىرىپ جاڭا مەك­تەپ­تەگى العاشقى ساباق باستالدى.

 

قىزىلوردا وبلىسى

 

 

 

سوڭعى جاڭالىقتار

الماتى ماڭىندا جەر سىلكىندى

ايماقتار • بۇگىن، 09:35

كوروناۆيرۋستان 9 ادام قايتىس بولدى

قازاقستان • بۇگىن، 09:28

الماتى وبلىسى «قىزىل» ايماققا ءوتتى

كوروناۆيرۋس • بۇگىن، 09:15

سپورت جاڭالىقتارىنا شولۋ

سپورت • بۇگىن، 09:07

ساراننىڭ ۇزىن ساكىسى

قازاقستان • بۇگىن، 09:05

كوبەلەكتەر كورمەسى

ونەر • بۇگىن، 09:04

قارسىلاستار انىقتالدى

سپورت • بۇگىن، 08:59

ءجاۋدىر انا

تانىم • بۇگىن، 08:56

فيزيكالىق ۋران قورىنا قاتىسادى

ەكونوميكا • بۇگىن، 08:46

543 ملرد تەڭگەنىڭ ءونىمى ءوندىرىلدى

ەكونوميكا • بۇگىن، 08:44

باسقا باسىلىمدارعا شولۋ

الەم • بۇگىن، 08:41

ءۇش جىلدىق بيۋدجەت ماقۇلداندى

ساياسات • بۇگىن، 08:25

اقىل الىبى

رۋحانيات • كەشە

شىعىستانۋدىڭ بيىك شىنارى

ايەل الەمى • كەشە

بەيقامدىق بەلەڭ الىپ تۇر

كوروناۆيرۋس • كەشە

ۇلكەن قالادا اداسۋ

رۋحانيات • كەشە

ۇقساس جاڭالىقتار