2021 جىلدىڭ ءساۋىر-ماۋسىم ايلارىندا بۇقارالىق اقپارات قۇرالدارى رەسەيدە قىشقىل ءسۇت ونىمدەرى تۇرىندە ۆاكتسينالار شىعارىلا باستادى دەگەن حابار تاراتقان. سول كەزدە عالىمدار اتالمىش پرەپاراتتاردى ازىرلەۋ بويىنشا جۇمىستى ەندى باستاعان. الايدا, Covid-19-دان قورعايتىن يوگۋرتتار, ايران جانە اشىتىلعان ءسۇت ونىمدەرى رەسمي تۇردە كلينيكالىق سىناقتان وتپەگەن جانە نارىققا كىرمەگەن.
مۇنداي اشىتىلعان ءسۇت ونىمدەرى مەكتەپ اسحانالارىندا بالالارعا مىندەتتى تۇردە بەرىلەدى دەگەن قاۋەسەت اقپاراتتى دەنساۋلىق ساقتاۋ مينيسترلىگى جوققا شىعاردى.
«بۇل اقپارات شىندىققا جاناسپايدى. قازاقستانعا ازىق-ت ۇلىك تۇرىندەگى ەشقانداي ۆاكتسينا اكەلىنگەن جوق», دەپ حابارلادى ۆەدومستۆونىڭ ءباسپاسوز قىزمەتى.
وسىلايشا, مەكتەپ اسحانالارىندا كۆي-گە قارسى يممۋنداۋ پرەپاراتتارى بار سۋسىندار مەن ونىمدەر ۇسىنىلمايدى, دەپ جازادى باسىلىم.
ەسكە سالا كەتسەك, ەلىمىزدە بالالاردى ۆاكتسيناتسيالاۋ تەك اتا-انالاردىڭ نەمەسە قامقورشىلاردىڭ جازباشا كەلىسىمىمەن عانا مۇمكىن بولادى.
