بۇل جۇمىسقا جەرگىلىكتى بيۋدجەتتەن ەكى جارىم ميلليارد تەڭگە بولىنگەن. ءبىر ءليفتى اۋىستىرۋ ءۇشىن شامامەن 10 ميلليون تەڭگە قاجەت. بۇل سومانى تۇرعىندار 15 جىلدىڭ ىشىندە قايتارۋى كەرەك. وسى كۇنگە دەيىن بيىلعا جوسپارلانعان جۇمىستىڭ 90 پرتسەنتى اياقتالعان. قالانىڭ تۇرعىن ءۇي قورىندا 5600-دەن استام ليفت بولسا, سونىڭ ءالى 400-گە جۋىعى جاڭارتۋدى تالاپ ەتەدى. بۇل باعىتتاعى جۇمىس كەلەسى جىلى دا جالعاسادى. مامانداردىڭ پىكىرىنشە, تۇرعىن ۇيدەگى ليفتىلەر 25 جىلدان كەيىن اۋىستىرىلىپ تۇرۋى قاجەت.
«وسى 334 ءليفتىنىڭ 304-ءى اۋىستىرىلدى. وتىزى قالدى. جىلدىڭ اياعىنا دەيىن اۋىستىرىلادى. جالپى مەملەكەتتىك باعدارلاما بويىنشا 1243 ليفت اۋىستىرىلدى. بۇل رەسپۋبليكا بويىنشا وتە جوعارعى كورسەتكىش دەپ ەسەپتەسەك بولادى», دەيدى قالالىق تۇرعىن ءۇي ساياساتى باسقارماسىنىڭ ءبولىم باسشىسى حادەن ماشقانوۆ.
