بۇل تۋرالى ۇلتتىق ستاتيستيكا بيۋروسى مالىمدەدى.
ۆەدومستۆو وكىلدەرى ۇلتتىق حالىق ساناعى 1 قىركۇيەكتە باستالعانىن ەسكە سالدى. سوڭعى مالىمەتتەر بويىنشا, sanaq.gov.kz سايتىندا 28 382 ادام ساۋالناماعا جاۋاپ بەردى. تاعى 3528 قازاقستاندىق ەgov پورتالىنداعى سايت سىلتەمەسىن پايدالانعان. ال 512 ادام ساناق سۇراقتارىنا Aitu قوسىمشاسى ارقىلى جاۋاپ بەردى.
«ادامداردا ونلاين-ساۋالنامادان ءوتۋ راسىمىنە قاتىستى بىرقاتار سۇراقتار تۋىندادى. اتاپ ايتقاندا, كەيبىرەۋلەر تۇراقتى مەكەن-جايىن تولتىرۋ كەزىندە قيىندىقتارعا تاپ بولدى. سۇحباتكەر كوشە اتاۋىنىڭ العاشقى ارىپتەرىن ەنگىزۋى كەرەك, سودان كەيىن جۇيە اۆتومات تۇردە ۇقساس نۇسقالاردى شىعارادى.
ءبىرىنشى ارەكەتتەن قاجەتتى مەكەنجاي تابىلماسا, قازاق جانە ورىس تىلدەرىندە ءتۇرلى نۇسقادا تەرىپ كورۋ قاجەت. مىسالى, نۇر-سۇلتان قالاسىنداعى جەڭىس كوشەسى. ەگەر ادام جەڭىس دەپ تەرسە, جۇيە قاجەتتى مەكەنجايدى شىعارمايدى. سەبەبى كوشە اتاۋىندا قازاق تىلىنە عانا ءتان ءارىپ بار. ايتا كەتەيىك, تۇرعىلىقتى مەكەنجايدى تولتىرعاندا, كوشە اتاۋىنىڭ مەكەنجاي تىركەلىمىندە قالاي كورسەتىلگەنىن ەسكەرۋ قاجەت», دەدى بيۋرونىڭ ءباسپاسوز قىزمەتىندەگىلەر.
ۇلتتىق ستاتيستيكا بيۋروسى ادامداردى ساناققا ونلاين رەجيمىندە قاتىسۋعا شاقىرادى. Sanaq.gov.kz سايتى 15 قازانعا دەيىن تاۋلىگىنە 24 ساعات قولجەتىمدى. بارلىق سۇراق بويىنشا Call-ورتالىققا 1446 ءنومىرى بويىنشا حابارلاسۋعا بولادى (قوڭىراۋ شالۋ تەگىن).
