پوليتسيا دەپارتامەنتىنىڭ مالىمەتىنشە, 46 جاستاعى د.ەسىمدى ازاماتتىڭ كولىگى جاندوسوۆ پەن ياسساۋي كوشەلەرىنىڭ قيىلىسىندا ۇستالدى. تەرگەۋ سوتىنىڭ رۇقساتىمەن كولىكتى جانە كۇدىكتىنى ءتىنتۋ كەزىندە پاتروندارى بار ەكى تاپانشا تابىلدى جانە تاركىلەندى.
«د.ەسىمدى ازاماتتىڭ تۇرعىلىقتى جەرىندە الماتى وبلىسى تالعار اۋدانىندا قۇپيا ورنىنان تاعى التى قارۋ, ونىڭ ىشىندە 12 كاليبرلى ۆينچەستەر, گراناتا جانە 60 پاترون تابىلدى. قارۋ تيەسىلىگىن, شىعۋىن, سونداي-اق قانداي دا ءبىر قىلمىسقا قاتىستىلىعىن انىقتاۋ ءۇشىن تاركىلەندى جانە سوت-بالليستيكالىق ساراپتاماعا جىبەرىلدى», دەدى الماتى قالالىق پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
ونىڭ ايتۋىنشا, كۇدىكتىنىڭ ۇيىنەن ۇنتاق زات سالىنعان ءتورت بۋما تابىلدى. مەديتسينالىق ساراپتاما كۇدىكتىنىڭ ۇستالعان كەزدە ەسىرتكىگە ماس بولعانىن انىقتادى. د.ەسىمدى ازامات پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.
سوتقا دەيىنگى تەرگەۋ قر قك 287-بابى 3-بولىگىنە سايكەس جۇرگىزىلۋدە.
