مەملەكەت باسشىسى دەنساۋلىق ساقتاۋ مينيسترلىگىنە بيوقاۋىپسىزدىكتىڭ ۇلتتىق جوسپارىن ازىرلەۋدى تاپسىردى.
«وسى تاپسىرمانى جۇزەگە اسىرۋ ماقساتىندا ءبىز بيولوگيالىق قاۋىپسىزدىك تۋرالى زاڭ جوباسىن ازىرلەدىك. وسىعان قاتىستى بىرقاتار وزگەرىس ماجىلىسكە ۇسىنىلدى. زەرتحانالىق لابوراتوريالاردى جوعارى تەحنولوگيالارمەن دە قامتاماسىز ەتۋ تاپسىرىلدى. بۇل ماقساتتارعا رەسپۋبليكالىق بيۋدجەتتىن 4,7 ملرد تەڭگە ءبولۋ قاراستىرىلعان. جولداۋدىڭ تاعى ءبىر ماڭىزدى ماسەلەسى مەديتسينا سالاسىنا قوماقتى قارجى ءبولۋ تاپسىرماسى بولدى», دەدى الەكسەي تسوي.
مينيستر بۇل ماقساتتاردى جۇزەگە اسىرۋ ءۇشىن ينۆەستيتسيالىق جوبالار جۇزەگە اسىرىلاتىنىن ايتتى.
«ونىڭ اياسىندا 20 زاماناۋي اۋرۋحانا مەن 2 يننوۆاتسيالىق ورتالىق سالۋدى جوسپارعا ەنگىزىلگەن. وڭىرلىك ۇيىمداردى دامىتۋ ماقساتىندا 20 نىساندى قايتا جاڭعىرتۋدى 85 ملرد تەڭگەگە جۇزەگە اسىرۋدى جوسپارلاپ وتىرمىز. ءدارى-دارمەكپەن قامتۋ تاپسىرماسىن ورىنداۋ اياسىندا جىل سايىن 231 ملرد تەڭگە بولىنەدى», دەدى ول.
