جالپى, الەمدە كوروناۆيرۋستىڭ 216 ميلليونعا جۋىق جاعدايى تىركەلگەن, ال ءولىمنىڭ جالپى سانى 4,5 ميلليوننان ءسال از.
دەلتا نۇسقاسىن العاش رەت 170 ەلدىڭ 7-ءى تىركەگەنى اتاپ ءوتىلدى.
الەمدەگى كوروناۆيرۋستىڭ باسقا شتامدارى تۋرالى كەلەسى ستاتيستيكا جاريالاندى:
- «الفا» نۇسقاسى (العاش رەت ۇلىبريتانيادا تابىلعان) - 193 ەلدە جانە اۋماقتا;
- «بەتا» نۇسقاسى (العاش رەت وڭتۇستىك افريكادا تىركەلگەن) - 141 ەلدە جانە اۋماقتا;
- «گامما» نۇسقاسى (العاش رەت برازيليادا انىقتالعان) - 91 ەلدە جانە اۋماقتا.
وتكەن اپتادا اقش-تا كوروناۆيرۋس اۋرۋىنىڭ 900 مىڭنان استام جاعدايلارى تىركەلدى. بۇل ەلدەگى اۋرۋدىڭ الدىڭعى اپتامەن سالىستىرعاندا 8 پايىزعا وسكەنىن كورسەتەدى. ءۇندىستاندا اۋرۋلار سانىنىڭ 17 پايىزعا ءوسۋى بايقالادى. ۇلىبريتانيادا 8 پايىزعا ءوسۋ تىركەلدى.
ددسۇ وتكەن اپتادا الەمنىڭ بارلىق دەرلىك ايماقتارىندا, سونىڭ ىشىندە افريكا, امەريكا, ەۋروپا, وڭتۇستىك-شىعىس ازيا جانە شىعىس جەرورتا تەڭىزىندە كوروناۆيرۋسپەن اۋىراتىندار سانىنىڭ تومەندەگەنىن حابارلادى. ءبىر ەرەكشەلىگى - تىنىق مۇحيتىنىڭ باتىسىندا ۆيرۋس جۇقتىرۋ جاعدايلارىنىڭ سانى 7 پايىزعا ارتتى.
