ونىڭ ايتۋىنشا, قازىرگى كەزدە ەلىمىزدە شامامەن 1,6 ملن جەكە قوسالقى شارۋاشىلىق بار. ولار 2020 جىلدىڭ قورىتىندىسى بويىنشا 2,6 ترلن تەڭگەگە ءونىم نەمەسە بۇكىل اۋىل شارۋاشىلىعى ونىمدەرىنىڭ 41,5%-ىن ءوندىردى.
«قولدا بار الەۋەتتى ەسكەرە وتىرىپ, مەملەكەت باسشىسىنىڭ تاپسىرماسى بويىنشا «جەكە قوسالقى شارۋاشىلىقتار تۋرالى» زاڭ جوباسى ازىرلەنەتىن بولادى.
اتالعان زاڭ جوباسىن قابىلداۋ جەكە قوسالقى شارۋاشىلىقتاردى جۇرگىزۋ كەزىندە تۋىندايتىن قاتىناستاردى رەتتەۋگە, اۋىل شارۋاشىلىعى ماقساتىنداعى جەرلەردىڭ ۇتىمدى پايدالانىلۋىنا, سونداي-اق جەكە قوسالقى شارۋاشىلىقتاردىڭ مەملەكەتتىك قولداۋ شارالارىنا كەڭىنەن قول جەتكىزۋىنە مۇمكىندىك بەرەدى. تۇتاستاي العاندا, جەكە قوسالقى شارۋاشىلىقتاردىڭ الەۋەتىن اۋىل شارۋاشىلىعى كووپەراتسياسىن دامىتۋ ارقىلى ىسكە قوسۋ جوسپارلانۋدا. ول جەكە قوسالقى شارۋاشىلىقتار مەن شاعىن فەرمەرلەردى ازىق-ت ۇلىك جانە جەڭىل ونەركاسىپ كاسىپورىندارىنىڭ قاجەتتىلىكتەرىمەن تىك جانە كولدەنەڭ كووپەراتسيا تىزبەكتەرى ارقىلى بايلانىستىرۋعا مۇمكىندىك بەرەدى», دەدى مينيستر.
ونىڭ سوزىنە قاراعاندا, بۇعان جامبىل وبلىسى حالقىنىڭ تابىسىن كووپەراتسيا ارقىلى اۋقىمدى جانە ءتيىمدى ارتتىرۋ جونىندەگى پيلوتتىق جوبانىڭ وڭ ناتيجەسى دالەل. قازىرگى ۋاقىتتا مينيسترلىك ازىرلەنىپ جاتقان اگروونەركاسىپتىك كەشەندى دامىتۋ جونىندەگى 2021 – 2025 جىلدارعا ارنالعان ۇلتتىق جوباعا جامبىل وبلىسىنىڭ پيلوتتىق جوباسىن قازاقستاننىڭ بارلىق وڭىرلەرىندە قولدانۋدى ەنگىزىپ وتىر. ونى ىسكە اسىرۋ ءۇشىن ۇلتتىق جوبادا 2023 – 2025 جىلدارعا 90 ملرد تەڭگە ءبولۋ كوزدەلگەن.
