وسى جاعدايدان حاباردار بولعان «قازمۇنايگاز» ۇك اق ەنشىلەس كومپانياسى «قازاقتەڭىزكولىكفلوتى» ۇتكقك ۇجىمى ءۇنسىز قالماي, ءبىراۋىزدان وبلىس فەرمەرلەرىنە كومەك كورسەتۋ تۋرالى شەشىم قابىلدادى.
ايتا كەتۋ كەرەك, بۇعان دەيىن دە ۇلتتىق تەڭىز تاسىمالداۋشىسى قىزمەتكەرلەرى قيىن جاعدايعا تاپ بولعان ازاماتتارعا بىرنەشە رەت كومەك كورسەتكەن ەدى. بۇل جولى كومپانيا ماڭعىستاۋ وبلىسىنىڭ اۋىلدارىنا مال ازىعىن ساتىپ الۋ مەن جەتكىزۋ ءۇشىن ەرىكتى قاراجات جيناۋ تۋرالى مەيىرىمدىلىك اكتسياسىن ۇيىمداستىردى. سونىمەن, اكتسيا اياسىندا قتكف قىزمەتكەرلەرى ايماقتاعى فەرمەرلەرگە كومەكتەسۋ ءۇشىن 3 ملن تەڭگەگە جۋىق قاراجات جينادى.
قتكف ۇيىمشىل ۇجىمىنىڭ ۇيلەسىمدى جۇمىسىنىڭ ناتيجەسىندە باتىس قازاقستان وبلىسىنىڭ اۋىل شارۋاشىلىعى قىزمەتكەرلەرىمەن كەلىسىمگە قول جەتتى. باتىس قازاقستان وبلىسى بايتەرەك اۋدانىنىڭ «AVANGARD» جشس اگرارلىق كومپانياسىنىڭ قولداۋىمەن ماڭعىستاۋ وبلىسىنىڭ شەتپە اۋىلىنا ءتورت اۆتوپويىزبەن قاجەتتى پىشەن جەتكىزىلىپ, ودان ءارى فەرمەرلەرگە تاراتىلۋى ءۇشىن اۋدان اكىمدىگىنە تابىستالدى.
«ەگەمەن-اقپارات»
