بيىل ءوڭىر مەكتەپتەرىندە 110 مىڭ وقۋشى ءبىلىم الادى. وبلىستىق ءبىلىم باسقارماسىنىڭ باسشىسى زاۋرە بايمەنوۆانىڭ ايتۋىنشا, جاڭا وقۋ جىلى ءبىلىم بەرۋ ۇدەرىسىنە بىرقاتار وزگەرىستەر ەنگىزىلەدى.
– ەڭ الدىمەن ءار ساباقتىڭ ۋاقىتى ەندى بۇرىنعىداي 40 مينۋت ەمەس, 45 مينۋت بولادى. بۇل ماسەلە ءبىلىم جانە عىلىم مينيسترلىگىندە تالقىلانىپ, ماقۇلداندى. سونداي-اق بەس كۇندىك وقۋ اپتاسى ساقتالادى, بىراق وقۋ ۇدەرىسىن ۇيىمداستىرۋ بارىسىندا سانيتارلىق نورمالاردى ساقتاۋعا قاتىستى قانداي دا ءبىر كۇردەلى ماسەلەلەر تۋىنداپ جاتقان جاعدايدا, التى كۇندىك وقۋ اپتاسىنا كوشىرىلۋى مۇمكىن. بۇل كوبىنە-كوپ قالالىق مەكتەپتەرگە قاتىستى. مەن تاياۋدا ءىرى مەكتەپتەردىڭ ديرەكتورلارىمەن كەزدەسۋ وتكىزدىم, وندا وسى ماسەلەنى ءسوز ەتتىك. باستاۋىش سىنىپتار 5 كۇن, ال 7-سىنىپتان نەمەسە 8-سىنىپتان ءارى قاراي كەيبىر پاندەر سەنبى كۇندەرى وقىتىلۋى مۇمكىن. بۇل مەكتەپتەر كەيبىر پاندەردى قاشىقتان وقىتۋى دا مۇمكىن. قاي ءپاندى ونلاين وقىتۋ قاجەتتىگىن مەكتەپ ديرەكتورلارى شەشەدى, – دەدى ز.بايمەنوۆا.
باسقارما باسشىسىنىڭ ايتۋىنشا, بيىل مەكتەپ كيىمىنە قاتىستى تالاپتار بۇرىنعىشا ساقتالادى. الايدا اتا-انانىڭ بالاسىنا مەكتەپكە ارنالعان كيىم ساتىپ الۋعا مۇمكىندىگى بولماسا, وقۋشىعا جالپى ادەپكە ساي كيىممەن ساباققا كەلۋگە رۇقسات ەتىلەدى.
بيىلعى وقۋ جىلى ءبىلىم بەرۋ وشاقتارىنداعى سانيتارلىق تازالىقتى ساقتاۋ ءۇشىن بيۋدجەتتەن 105 ملن تەڭگە ءبولىنىپ وتىر. مۇعالىمدەر مەن تاربيەشىلەردىڭ دەنى ۆاكتسينا قابىلداعان.
بۇگىندە وبلىس مەكتەپتەرىندە جۇمىس ىستەيتىن 29 288 ادام ەكپە العان. 3 مىڭنان استام ادامنىڭ دەنساۋلىعىنا بايلانىستى ۆاكينا قابىلداۋعا بولمايدى دەگەن رۇقسات قاعازى بار. مەكتەپ قىزمەتكەرلەرى, پەداگوگتەر مەن اتا-انالار مەكتەپتەرگە اshyq قوسىمشاسى ارقىلى كىرەدى. 18 جاسقا تولماعان مەكتەپ وقۋشىلارى مەن كوللەدج ستۋدەنتتەرى ءبىلىم عيماراتتارىنا اshyq قوسىمشاسىنا تەكسەرىلمەي-اق كىرە الادى, – دەدى وبلىستىق ءبىلىم باسقارماسىنىڭ باسشىسى.
قوستاناي وبلىسى
