«بايتەرەك» ۇلتتىق باسقارۋشى حولدينگىنىڭ ەنشىلەس مەكەمەسى – «قازاقستان ينۆەستيتسيالىق قورى» اق مەملەكەتكە 5,9 ملرد. تەڭگەنى قايتاردى. بۇل قارجى – «Paragon Development» جشس مەن «استانا-كونتراكت» اق-قا استانا جانە الماتى قالالارىندا كولىكتىك-لوگيستيكالىق ورتالىقتار قۇرىپ, جاساقتاۋعا قازاقستاننىڭ دامۋ بانكى تاراپىنان بەرىلگەن اقشانىڭ ءبىر بولىگى.
«بايتەرەك» ۇلتتىق باسقارۋشى حولدينگىنىڭ ەنشىلەس مەكەمەسى – «قازاقستان ينۆەستيتسيالىق قورى» اق مەملەكەتكە 5,9 ملرد. تەڭگەنى قايتاردى. بۇل قارجى – «Paragon Development» جشس مەن «استانا-كونتراكت» اق-قا استانا جانە الماتى قالالارىندا كولىكتىك-لوگيستيكالىق ورتالىقتار قۇرىپ, جاساقتاۋعا قازاقستاننىڭ دامۋ بانكى تاراپىنان بەرىلگەن اقشانىڭ ءبىر بولىگى.
2008 جىلى قازاقستاننىڭ دامۋ بانكى الماتى جانە استانا قالالارىندا كولىكتىك-لوگيستيكالىق ورتالىقتار قۇرۋعا باعىتتالعان ينۆەستيتسيالىق جوبانى قارجىلاندىرعان بولاتىن. بۇل جوبا بويىنشا نەسيە العان «Paragon Development» جشس, «استانا-كونتراكت» جشس, «استانا-كونتراكت» اق جانە «PD Logistics» جشس 2008-2013 جىلدار ارالىعىندا تولىققاندى كاسىپكەرلىكپەن اينالىسىپ, تابىس تاپقان. الايدا, نەسيەنى قايتارۋعا بايلانىستى مىندەتتەمەلەرىن ورىنداماعان.
وسىعان وراي, وتكەن جىلدىڭ تامىز ايىندا «بايتەرەك» حولدينگى ءتۇيىندى ءماسەلەلەرى بار 212 ملرد. تەڭگەلىك اكتيۆتەردى قازاقستان دامۋ بانكىنەن الىپ, ونى قازاقستان ينۆەستيتسيالىق قورىنىڭ ىقتيارىنا بەردى. ونىڭ ىشىندە «Paragon Development» جشس مەن «استانا-كونتراكت» اق-تان 12,5 ملرد. تەڭگە بولاتىن بورىشتى تالاپ ەتۋ قۇقىعى دا بار ەدى.
قوردىڭ سوتقا جولدانعان تالاپ-شاعىمى قاناعاتتاندىرىلدى. ءسويتىپ, استانا-كونتراكت كومپانيالار توبىنىڭ مەملەكەت الدىنداعى بورىشىن وتەۋ ماقساتىمەن ونىڭ قۇزىرىنداعى الماتى كولىكتىك-لوگيستيكالىق ورتالىعى قازاقستان ينۆەستيتسيالىق قورىنىڭ مەنشىگىنە بەرىلدى. وسىلايشا, مەملەكەتكە 5,9 ملرد. تەڭگە قايتارىلدى. قازاقستان دامۋ بانكىنىڭ بورىشكەرلەرىنىڭ قارىزىن تالاپ ەتۋ قۇقى قازاقستان ينۆەستيتسيالىق قورىنا بەرىلگەنىن ايتتىق. ەندىگى دەمەگىمىز, اتقارىلعان جۇمىس – قور تاراپىنان مەملەكەت مەنشىگىن قايتارۋ باعىتىندا جاسالعان جۇمىستاردىڭ العاشقى ناتيجەسى.
مەنشىكتىڭ جاڭا يەسى كولىكتىك-لوگيستيكالىق ورتالىقتىڭ قالىپتى جۇمىسىن قامتاماسىز ەتىپ, جۇمىس ورىندارىن تولىق ساقتاپ قالۋدى ماقسات ەتىپ وتىر. سونداي-اق, ينۆەستيتسيالىق قور بورىشكەردىڭ قالعان 6 قارىزىن قايتارىپ الۋعا ارنالعان شارالاردى جالعاستىرا بەرمەك.
نۇرباي ەلمۇراتوۆ,
«ەگەمەن قازاقستان».
