«قىلمىسپەن كۇرەستىڭ تاجىريبەلىك ماسەلەلەرىن نازاردان تىس قالدىرماۋ كەرەك. الاياقتىق فاكتىلەرىنىڭ كوبەيۋىنە قاتىستى ازاماتتار ءادىل نارازىلىق بىلدىرۋدە», دەدى مەملەكەت باسشىسى.
پرەزيدەنتتىڭ ايتۋىنشا, باس پروكۋراتۋرا الاياقتىق پەن قارجى پيراميدالارىنا قارسى ءىس-قيمىل بويىنشا شارالار كەشەنىن ازىرلەۋ كەرەك.
سونىمەن قاتار قاسىم-جومارت توقاەۆ بالالارعا قاتىستى زورلىق-زومبىلىققا توسقاۋىل قويۋ ماسەلەسىن ەرەكشە باقىلاۋعا الۋ قاجەتتىلىگىن ەرەكشە اتاپ ءوتتى.
«بولاشاق ۇرپاقتىڭ اماندىعىنا ەسىرتكىنىڭ تارالۋ جاعدايى ۇلكەن قاتەر كەلتىرىپ وتىر, ونىڭ ىشىندە سينتيەتيكالىق ەسىرتكىنىڭ قاۋپى اسا جوعارى. قۇقىق قورعاۋ ورگاندارىنا ەسىرتكى زاتتارىنىڭ حالىق اراسىندا تارالۋ جولىنا قاتاڭ توسقاۋىل قويۋ تاپسىرىلادى», دەدى پرەزيدەنت قر پارلامەنتى پالاتالارىنىڭ بىرلەسكەن وتىرىسىندا.
