«7-ءشى شاقىرىلىمداعى پارلامەنت ءوزىنىڭ ءبىرىنشى سەسسياسىندا 63 زاڭ قابىلدادى. قوس پالاتا بىرلەسىپ, ەلىمىزدە جۇيەلى وزگەرىستەر مەن رەفورمالار جاساۋعا قاجەتتى زاڭنامالىق نەگىز قالىپتاستىردى. بۇگىن پارلامەنتتىڭ كەزەكتى سەسسياسى باستالماق. الدىمىزدا كوپتەگەن ماڭىزدى مىندەت تۇر. ءاربىر زاڭ جوباسىنىڭ قىر-سىرىنا تەرەڭ ءۇڭىلىپ, ونى ساپالى دايىنداۋ كەرەك. سىزدەر حالىقتىڭ مۇددەسىن قورعاۋ ءۇشىن ءاردايىم تاباندىلىق تانىتۋعا تيىسسىزدەر», دەدى مەملەكەت باسشىسى.
قر پرەزيدەنتى ءاربىر شەشىم ەلدىڭ سۇرانىسىن دا, مەملەكەتتىڭ مۇمكىندىگىن دە ەسكەرە وتىرىپ قابىلدانۋى قاجەتتىگىن باسا ايتتى.
«وسى جاۋاپتى جۇمىستا سىزدەرگە ساتتىلىك تىلەيمىن», دەدى قاسىم-جومارت توقاەۆ.
