«شيكىزاتقا قول جەتكىزۋ ماسەلەسى كۇن تارتىبىندە. قاراپايىم ەرەجەنى ەنگىزۋ قاجەت: وتاندىق ونەركاسىپ ءۇشىن شيكىزات تاۋارلارىنىڭ باعاسى قولجەتىمدى, ال كولەمى جەتكىلىكتى بولۋى كەرەك. جىل سوڭىنا دەيىن ۇكىمەت بۇل مىندەتتى شەشۋدىڭ وڭتايلى نۇسقاسىن تابۋى ءتيىس. بۇل رەتتە ءبىزدىڭ ەلىمىزدىڭ رەسۋرستىق الەۋەتى تولىق اشىلماعانىن, گەولوگيالىق زەرتتەلۋى تومەن دەڭگەيدە قالىپ وتىرعانىن ەسكەرۋ قاجەت. ينۆەستورلاردىڭ گەولوگيالىق اقپاراتقا قولجەتىمدىلىگىن كەڭەيتۋ قاجەت. ول ءۇشىن بىتىراڭقى ۆەدومستۆولىق ۇيىمداردىڭ بازاسىندا ءتيىمدى, ۇلتتىق گەولوگيالىق قىزمەت قۇرۋ كەرەك», - دەدى توقاەۆ وسى جولداۋىندا.
پرەزيدەنت اتاپ كەتكەندەي, بۇل ۇيىم, كىمگە جانە جەر قويناۋىنا قالاي جول بەرۋ كەرەكتىگىن شەشەتىن مونوپوليست بولماۋى كەرەك.
«جەر قويناۋىن پايدالانۋ سالاسى گەولوگيالىق بارلاۋ جانە جەر قويناۋىن كەشەندى زەرتتەۋ تۇرعىسىنان جاڭا سەرپىنگە مۇقتاج», - دەدى مەملەكەت باسشىسى.
