«ماڭگىلىك ەل» – ۇلتتىق يدەيا, اتا-بابالارىمىزدىڭ ارمانى, الەمنىڭ دامىعان 30 ەلىنىڭ قاتارىنا ەنۋ جوسپارى, حالىقتىڭ جوعارى تۇرمىس دەڭگەيى, بىرلىك پەن تۇتاستىق, جاڭا قازاقستاندىق ءپاتريوتيزمنىڭ وزەگى بولىپ تابىلادى. «ماڭگىلىك ەل» ۇلتتىق يدەياسى بۇكىل قازاقستان حالقىن بىرىكتىرۋشى ءارى ۇيىستىرۋشى رۋحاني كۇش جانە الەۋەت. العا قويىلعان وسىنداي تاريحي ماقساتتار مەن مىندەتتەردىڭ قيىندىعى جانە كۇردەلىلىگىن ەسكەرە وتىرىپ, وسى نەگىزدەگى بولاشاقتىڭ تابىستارىنىڭ يگىلىگىن كورەتىن جاستار ەكەندىگىن ايقىن سەزىنىپ, م.اۋەزوۆ اتىنداعى وقمۋ ستۋدەنتتەرى «ماڭگىلىك ەل» جاستار قوزعالىسىن قۇردى.
«ماڭگىلىك ەل» – ۇلتتىق يدەيا, اتا-بابالارىمىزدىڭ ارمانى, الەمنىڭ دامىعان 30 ەلىنىڭ قاتارىنا ەنۋ جوسپارى, حالىقتىڭ جوعارى تۇرمىس دەڭگەيى, بىرلىك پەن تۇتاستىق, جاڭا قازاقستاندىق ءپاتريوتيزمنىڭ وزەگى بولىپ تابىلادى. «ماڭگىلىك ەل» ۇلتتىق يدەياسى بۇكىل قازاقستان حالقىن بىرىكتىرۋشى ءارى ۇيىستىرۋشى رۋحاني كۇش جانە الەۋەت. العا قويىلعان وسىنداي تاريحي ماقساتتار مەن مىندەتتەردىڭ قيىندىعى جانە كۇردەلىلىگىن ەسكەرە وتىرىپ, وسى نەگىزدەگى بولاشاقتىڭ تابىستارىنىڭ يگىلىگىن كورەتىن جاستار ەكەندىگىن ايقىن سەزىنىپ, م.اۋەزوۆ اتىنداعى وقمۋ ستۋدەنتتەرى «ماڭگىلىك ەل» جاستار قوزعالىسىن قۇردى.
«ماڭگىلىك ەل» جاستار قوزعالىسىنىڭ ماقساتى – «قازاقستان-2050» ستراتەگياسىندا قويىلعان ماقساتتار مەن مىندەتتەردى بەلسەندى تۇردە جۇزەگە اسىرۋعا ءوز زامانداستارىن تارتۋ جانە ولاردىڭ الەۋمەتتىك-مادەني دەڭگەيىن كوتەرۋ ارقىلى, پاتريوتتىق سەزىمدەرىن قالىپتاستىرۋ, قازاقستان حالقىنىڭ سالت-ءداستۇرى مەن مادەنيەتىن ساقتاۋ, ۇلتارالىق تاتۋلىق پەن دىنارالىق تولەرانتتىلىقتى نىعايتۋ, سونىمەن قاتار جاستار مەن ستۋدەنتتەردىڭ تەرەڭ بىلىمگە, زاماناۋي عىلىمعا جانە ۇلتتىق تاربيەگە قۇشتارلىعىن ارتتىرۋ جولىندا جۇمىستار اتقارۋ ارقىلى ەلباسىنىڭ باستامالارىنا قولداۋ كورسەتۋ. ۋنيۆەرسيتەت جاستارى كاسىپكەرلىك, عىلىم مەن ءبىلىمنىڭ جاڭا الەمدىك دەڭگەيدەگى جەتىستىكتەرىن مەڭگەرۋ ارقىلى, وزدەرىنىڭ بار اقىل-ويى مەن كۇش-قۋاتىن «ماڭگىلىك ەل» ۇلتتىق يدەياسىنا سۇيەنە وتىرىپ, تاۋەلسىزدىگىمىزدى نىعايتاتىنىنا كامىل سەنىمدى. «قازاقستان جاستارى ءوز دارىندىلىعى, ىسكەرلىگى جانە جاڭاشىلدىعىمەن ەرەكشەلەنەدى. ولار بارلىق قيىندىقتاردى جەڭۋگە دايىن. ءبىزدىڭ قوزعالىسىمىز وسى باعىتتا جاستارىمىزدىڭ اراسىندا جاڭا سەرپىلىس تۋدىرۋعا نەگىز بولادى دەپ سانايمىز», دەيدى ولار.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
