اقتاۋ قالاسىندا جۋىردا قوس مەرەكەگە – ەل تاۋەلسىزدىگىنىڭ 30 جىلدىعى اياسىندا جانە كونستيتۋتسيا كۇنىنە وراي 18-شاعىن اۋداندا ورنالاسقان 4 تۇرعىن ءۇي پايدالانۋعا بەرىلدى. 180 پاتەردەن تۇراتىن ءۇي «نۇرلى جەر» مەملەكەتتىك باعدارلاماسى اياسىندا بوي كوتەرگەن. كىلت تاپسىرۋ راسىمىنە اقتاۋ قالاسىنىڭ اكىمى ن.قيلىباي قاتىسىپ, باسپانالى بولعان ازاماتتاردى قونىس تويمەن قۇتتىقتادى.
– قالامىزدا مەملەكەت قولداۋى ارقىلى باسپانالى بولىپ, قونىس تويىن تويلايتىندار سانى ارتىپ كەلەدى. وسى جازدا «اققۋ-3» تۇرعىن ءۇي كەشەنىنەن 443 پاتەر بەرىلىپ, قۋانىشقا كۋا بولدىق. بۇگىن مىنە, جالپى اۋدانى 10 150 شارشى مەتر بولاتىن جاڭا تۇرعىن ءۇيدى پايدالانۋعا بەرۋدەمىز. مەرەكەمەن تۇسپا-تۇس كەلگەن قونىس تويلارىڭىز قۇتتى بولسىن! شاڭىراقتارىڭىز شاتتىققا تولى بولىپ, بەرەكە-بىرلىگىمىز ارتا بەرسىن, دەدى قالا باسشىسى.
ءىس-شاراعا جينالعاندار تولىق ەمەس وتباسى مەدينا الاگوزوۆانىڭ جاڭا شاڭىراعىندا بولىپ, ءدام تاتتى. جاڭا قونىستىڭ العاشقى قوناعى بولعان اۋىل اقساقالدارى باتا بەردى. كەلەر جىلى 19ا جانە 18-شاعىن اۋداندارىندا كوپپاتەرلى 9 تۇرعىن ءۇيدى پايدالانۋعا بەرۋ جوسپارلانۋدا.
وسىلايشا وڭىردە قونىس تويىن تويلاۋشىلار سانى ارتپاق.
