وبلىس ورتالىعىنداعى «دوستىق ۇيىندە» «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى ەلباسىنىڭ حالىققا جولداۋىنا وراي وبلىستىڭ يدەولوگيالىق اكتيۆى بولىپ ءوتتى.
وبلىس ورتالىعىنداعى «دوستىق ۇيىندە» «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى ەلباسىنىڭ حالىققا جولداۋىنا وراي وبلىستىڭ يدەولوگيالىق اكتيۆى بولىپ ءوتتى.
جيىندا بايانداما جاساعان وبلىس اكىمى قانات بوزىمباەۆ ەلىمىزدە قابىلدانعان ۇدەمەلى يندۋستريالىق-يننوۆاتسيالىق دامۋ باعدارلاماسىن ىسكە اسىرۋدا ءوندىرىستى ءوڭىردىڭ قوسار ۇلەسى مول ەكەنىن اتاپ ءوتتى.
بۇعان دالەل, بۇل كۇندەرى جالپى, يندۋستريالاندىرۋ كارتاسى اياسىندا وبلىستا ينۆەستيتسيا قۇنى 1 ترلن. 78 ملرد. 800 ملن. تەڭگە بولاتىن 85 جوبا جۇزەگە اسىرىلۋدا. الداعى جىلدارى 10 مىڭنان استام جاڭا جۇمىس ورىندارى اشىلادى دەپ كۇتىلۋدە. وسىنداي كورسەتكىشتەر ءتىزىلىمى بويىنشا وبلىس ەلىمىزدەگى جەتەكشى ءۇش وبلىس قاتارىندا تۇر.
– ەندى ءبىز ەلىمىزدە قابىلدانعان يندۋستريالاندىرۋ باعدارلاماسىنىڭ ەكىنشى بەسجىلدىعىن ورىنداۋ جولىندا اۋقىمدى جوبا-جوسپارلارعا تولى جۇمىستى ءار سالادا ودان ءارى جالعاستىرا, جانداندىرا تۇسەتىن بولامىز, – دەدى وبلىس اكىمى قانات بوزىمباەۆ ءوز سوزىندە.
وتكەن كۇزدە وبلىس ديقاندارى مول ءونىم جيناپ الدى. بيىلعى جولداۋىندا ەلباسى ايتىپ كەتكەن ءبىر ماسەلە بار, ول – جاقسىلىقتى تەك تابيعاتتان كۇتىپ وتىرماي, اگروونەركاسىپ كەشەنىندە جاڭا تەحنولوگيالار مەن ەڭبەك ونىمدىلىگىن ارتتىرۋ. سونىمەن قاتار, ەلىمىزدىڭ الەم ەلدەرى سياقتى «جاسىل ەكونوميكا» جۇيەسىنە كوشۋدىڭ نەگىزگى تۇجىرىمداماسى بويىنشا 2030 جىلعا قاراي ەگىستىكتەردىڭ 15 پايىزىنا سۋ ۇنەمدەۋ تەحنولوگياسى قولدانىلۋى قاجەتتىگى ايتىلدى. وبلىس اۋماعىنان ەرتىس وزەنى اعىپ جاتىر. ال بىزدەر وسى سۋ اعىنىن قالاي ءتيىمدى پايدالانىپ ءجۇرمىز, ماسەلە سوندا.
ەكىنشىدەن, جولداۋدا اتاپ كورسەتىلگەندەي, ەلىمىزدى ەت جانە ءسۇت ونىمدەرىن ەكسپورتتايتىن ەلگە اينالدىرۋ ماقساتىن ورىنداۋدى قولعا الۋ قاجەت. تاعى ءبىر ماڭىزدى ماسەلە اگلومەراتسيا, كولىك جانە ەنەرگەتيكا سالاسى بولسا, قازىر وڭىردە وبلىس ورتالىعى مەن اقسۋ قالالارىنىڭ ارالىعىن بايلانىستىراتىن جاڭا كوپىر قۇرىلىسى جۇرگىزىلۋدە. ال ءوڭىردىڭ ەنەرگەتيكا سالاسىندا ەكىباستۇز ماەس-1 مەن ماەس-2-دە جاڭا جوبالار جۇزەگە اسۋدا. سونىمەن قاتار, «پاۆلودار مۇناي-حيميا زاۋىتىندا» دا جاڭعىرتۋ جۇمىستارى باستالدى.
– ەكسپو-2017 كورمەسىنە دايىندىق اياسىندا ەكىباستۇز قالاسىنىڭ اۋىلدىق اۋماعىندا جەل ەلەكتر ستانساسى سالىنادى. ستانسادا وندىرىلەتىن ەلەكتر قۋاتى – 50 مۆت. بۇل جوبا استانادا وتەتىن حالىقارالىق كورمە نىساندارىن ەلەكتر قۋاتىمەن قامتاماسىز ەتەدى, – دەدى قانات بوزىمباەۆ ءوز سوزىندە. – وبلىس ەكونوميكاسىندا شاعىن جانە ورتا بيزنەستىڭ ۇلەسى 24,5 پايىزعا جەتتى. شىعارىلعان ءونىم 374 ملرد. 700 ميلليون تەڭگەنى قۇراپ وتىر. ەندى ءىرى جۇيەقۇراۋشى كاسىپورىندار جانىنان شاعىن جانە ورتا بيزنەستى دامىتۋدىڭ جوسپارى جاسالادى. بۇل ارقىلى ەلىمىزدە جوعارى ەكونوميكالىق وسىمگە قول جەتكىزۋگە بولادى.
بۇدان كەيىن جولداۋدى قولداۋعا ءۇن قوسىپ, وبلىستىق ءماسليحاتتىڭ دەپۋتاتى, «ەۋرازيالىق ەنەرگەتيكالىق كورپوراتسياسى» اق پرەزيدەنتى ابدۋازيم رۋستامباەۆ, لەبياجى اۋدانىنىڭ اكىمى ايزادا قۇرمانوۆا, وبلىستىق ءماسليحاتتىڭ دەپۋتاتى, «پولونيا» پولياك ەتنومادەني بىرلەستىگىنىڭ توراعاسى ۆيكتور سۆينتسيتسكي, ۋسپەن اۋدانى «گاليتسكوە» جشس-ءنىڭ ديرەكتورى الەكساندر كاسيتسين, ت.ب.ءسوز سويلەدى. ال 24 قاڭتار – وبلىستا تۇرعىنداردى يدەولوگيالىق اقپاراتتاندىرۋدىڭ بىرىڭعاي كۇنى بولىپ جاريالاندى. وسى كۇنى وبلىستىق اقپاراتتىق-ناسيحاتتىق توبىنىڭ جاڭا قۇرامى ەلباسىنىڭ جولداۋىن ءتۇسىندىرۋ بويىنشا ەلدى مەكەندەرگە اتتانادى.
فاريدا بىقاي,
«ەگەمەن قازاقستان».
پاۆلودار وبلىسى.
