سايلاۋدىڭ ەكىنشى كەزەڭىنىڭ جاسىرىن داۋىس بەرۋ قورىتىندىسى بويىنشا 63 جاستاعى الار كاريستىڭ كانديداتۋراسىن پارلامەنت مۇشەسىنىڭ 72 دەپۋتاتى قولدادى.
30 تامىزداعى داۋىس بەرۋدىڭ ءبىرىنشى كەزەڭىندە الار كاريس ءوزىنىڭ پايداسىنا 63 داۋىس جينادى.
جەرگىلىكتى باق-تىڭ حابارلاۋىنشا, الار كاريس ءبىلىمى بويىنشا مولەكۋليارلىق گەنەتيك جانە دامۋ بيولوگى ماماندىعىن ەستونيا جاراتىلىستانۋ عىلىمدارى ۋنيۆەرسيتەتىنىڭ ۆەتەريناريا فاكۋلتەتىن بىتىرگەن.
2003 جىلدان 2007 جىلعا دەيىن ەستونيا جاراتىلىستانۋ عىلىمدارى ۋنيۆەرسيتەتىنىڭ رەكتورى, ال 2007 جىلدان 2012 جىلعا دەيىن تارتۋ ۋنيۆەرسيتەتىنىڭ رەكتورى بولدى.
2013 جىلدان 2018 جىلعا دەيىن ول ەستونيانىڭ باس باقىلاۋشىسى - مەملەكەتتىك باقىلاۋدىڭ, سالىق تولەۋشىلەر قاراجاتىنىڭ جۇمسالۋىن باقىلاۋدى قامتيتىن تاۋەلسىز مەكەمەنىڭ باسشىسى قىزمەتىن اتقارعان.
