بۇل ۇتىس ويىنىنا ۆاكتسيناتسيانىڭ بارلىق پۋنكتى قاتىسادى: مەديتسينالىق مەكەمەلەر, ءسوو/سۇ. ۇتىس ويىنىنا قاتىسۋ اۆتوماتتى, ارنايى قۇجات تولتىرىپ, تىركەلۋدىڭ قاجەتى جوق. ەكى بولمەلى پاتەردىڭ ۇتىس ويىنى تىكەلەي ەفيردە وتەدى.
ەلوردا اكىمدىگى اپتا سايىن ۆاكتسينا العاندار اراسىندا iPhone12 جانە باسقا دا قۇندى سىيلىقتاردىڭ ۇتىس ويىنىن وتكىزىپ كەلدى. ۆاكتسيناتسيالانعانداردىڭ اراسىندا سوڭعى ۇلگىدەگى iPhone تەلەفونىنىڭ 19 داناسى, 6 توڭازىتقىش, 4 تەلەديدار, 2 پلانشەت, 4 ميكروتولقىندى پەش, 5 پرينتەر, 2 بەينەتىركەگىش, كىر جۋعىش ماشينا, اليسا اقىلدى كولونكاسى, اۋا ىلعالداندىرعىش جانە ت.ب. ويناتىلدى. بۇدان بولەك, ۆاكتسيناتسيالانعاندار اراسىندا باعالى جۇلدەلەردىڭ ۇتىس ويىنىن ەكپە پۋنكتتەرى ورنالاسقان سوو جانە ءسۇ وتكىزەدى.
سونداي-اق, «MEGA Silk Way» سوو-داعى ۆاكتسيناتسيا پۋنكتىندە 23 ماۋسىم مەن 31 تامىز ارالىعىندا ەكپەنىڭ ءبىرىنشى كومپونەنتىن العاندار اراسىندا ءاۆتوموبيلدىڭ ۇتىس ويىنى وتەدى.
Birge (https://birge-elorda.kz/nur-sultan) پلاتفورماسىندا ۇتىس ويىنىنىڭ جەڭىمپازدارىن انىقتاۋ ءۇشىن ارنايى راندومايزەر سەرۆيسى ورناتىلعان, ول ۆاكتسيناتسيالانعانداردىڭ ID-ءنومىرى ارقىلى جۇلدە يەلەرىن تاڭدايدى. ونى ازىرلەۋگە IT-قاۋىمداستىق تا قاتىستى. ۆاكتسينالانعاندار بويىنشا سەرۆيس قر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن.
ەلوردادا وتكىزىلەتىن ۇتىس ويىندارى جۇرتشىلىقتى ۆاكتسيناتسيالاۋعا ىنتالاندىرۋ, وسىلايشا ءوزىنىڭ جانە وزگەلەردىڭ دەنساۋلىعىن ساقتاۋ ءۇشىن ۇيىمداستىرىلادى.
