قازاقستان رەسپۋبليكاسى قاۋىپسىزدىك كەڭەسى جانىنداعى ساراپشىلىق كەڭەستىڭ وتىرىسى ءوتتى.
قازاقستان رەسپۋبليكاسىنىڭ كيبەرقاۋىپسىزدىگىن قامتاماسىز ەتۋدىڭ وزەكتى ءماسەلەلەرى قارالعان وتىرىس بارىسىندا پرەزيدەنتتىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى قايرات قوجامجاروۆ ۇلتتىق قاۋىپسىزدىك ۇستانىمى تۇرعىسىنان كيبەركەڭىستىكتى دامىتۋدىڭ نەگىزگى ماسەلەلەرىن ايقىنداپ, مەملەكەتتىك ساياساتتىڭ اسا ماڭىزدى باسىمدىقتارىنا نازار اۋداردى.
قازاقستان رەسپۋبليكاسى قاۋىپسىزدىك كەڭەسى جانىنداعى ساراپشىلىق كەڭەستىڭ وتىرىسى ءوتتى.
قازاقستان رەسپۋبليكاسىنىڭ كيبەرقاۋىپسىزدىگىن قامتاماسىز ەتۋدىڭ وزەكتى ءماسەلەلەرى قارالعان وتىرىس بارىسىندا پرەزيدەنتتىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى قايرات قوجامجاروۆ ۇلتتىق قاۋىپسىزدىك ۇستانىمى تۇرعىسىنان كيبەركەڭىستىكتى دامىتۋدىڭ نەگىزگى ماسەلەلەرىن ايقىنداپ, مەملەكەتتىك ساياساتتىڭ اسا ماڭىزدى باسىمدىقتارىنا نازار اۋداردى.
قاۋىپسىزدىك كەڭەسىنىڭ حاتشىسى كيبەرتەحنولوگيالاردى دامىتۋ جانە مەملەكەت پەن قوعامنىڭ تىرشىلىگىنە ەنگىزۋ ۇدەرىسىندە پايدا بولاتىن زاماناۋي قاتەرلەردىڭ سپەكترىنە تالداۋ جاساۋعا, سونداي-اق, جاڭا جاعدايداعى مەملەكەت قورعانىسىن قامتاماسىز ەتۋدەگى قازىرگى تاسىلدەرگە دە ەرەكشە نازار اۋداردى.
ساراپشىلىق كەڭەس مۇشەلەرى مەن مەملەكەتتىك ورگاندار باسشىلارى پىكىر الماسۋ بارىسىندا كيبەركەڭىستىكتىڭ اسا ماڭىزدى ءماسەلەلەرىن, سونىڭ ىشىندە كيبەرقاۋىپسىزدىك سالاسىنداعى مەملەكەتتىك رەتتەۋ جۇيەسىن دامىتۋ, ونى زاڭنامالىق قامتاماسىز ەتۋ, كيبەرتەحنولوگيالاردى ميليتاريزاتسيالاۋ, جابدىقتار ءوندىرىسى مەن باعدارلامالىق قامتاماسىز ەتۋ, مامانداردى دايارلاۋ مەن كادرلىق جۇمىس جايىن قاراستىرىپ, تالقىلادى.
ساراپشىلىق كەڭەس جۇمىسىنىڭ قورىتىندىسى بويىنشا ق.قوجامجاروۆ كيبەرقاۋىپسىزدىكتى قامتاماسىز ەتۋ جونىندەگى مەملەكەتتىك ساياساتتىڭ ۇزاقمەرزىمدى ستراتەگيالىق كورىنىسى مەن كەشەندى تاسىلدەرىنە نازار اۋدارا وتىرىپ, مەملەكەتتىك ورگاندار مەن ساراپشىلار قاۋىمىنىڭ ناقتى مىندەتتەرىن ايقىندادى.
