ايماقتار • 31 تامىز، 2021

الماتى وبلىسىندا 3230 ادام كوروناۆيرۋستان ەمدەلىپ جاتىر

21 رەت كورسەتىلدى

وتكەن تاۋلىكتە الماتى وبلىسىندا 359 ادام كوروناۆيرۋس جۇقتىرعان، دەپ حابارلايدى Egemen.kz.

سونىڭ ىشىندە تالدىقورعان قالاسىندا 163 جاعداي، تالعار اۋدانىندا – 32، پانفيلوۆ اۋدانىندا – 21، قاراساي اۋدانىندا – 20، الاكول اۋدانىندا – 19، ەڭبەكشىقازاق اۋدانىندا – 18، جامبىل اۋدانىندا – 17، سارقان اۋدانىندا – 15، ەسكەلدى اۋدانىندا – 13، تەكەلى قالاسىندا – 11، ىلە اۋدانىندا – 9، بالقاش جانە ۇيعىر اۋداندارىندا 8 جاعدايدان، قاراتال اۋدانىندا – 3، كوكسۋ اۋدانىندا 2 جاعداي تىركەلدى.

سونداي-اق 346 ادام جازىلىپ شىقتى.

ءوڭىر «قىزىل» ايماقتا. «بۇگىنگى جاعداي بويىنشا وڭىردە 3230 ادام ستاتسيونارلىق ەم قابىلداۋدا. ءبىر تاۋلىكتە اۋرۋحانالارعا 206 ادام ءتۇستى. ءوڭىردىڭ اۋرۋحانالارىنداعى توسەك ورىندار سانى 6080. توسەك-ورىن جۇكتەمەسى – 53،1 %»، دەلىنگەن الماتى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى تاراتقان حابارلامادا.

سوڭعى 3 كۇندە 8156 ادامنىڭ سىنامالارى پتسر زەرتحانالاردا تەكسەرىلدى. ناۋقاستارمەن قارىم-قاتىناستا بولعان 5 ادام انىقتالىپ، بارلىعى ءۇي كارانتينىنە جانە مەديتسينا قىزمەتكەرلەرىنىڭ باقىلاۋىنا الىندى.

الماتى وبلىسى بويىنشا كوروناۆيرۋسقا قارسى ۆاكتسينانىڭ 1-ءشى كومپونەنتىن العاندار سانى – 670 733. سونىڭ ىشىندە وتكەن كۇنى ەكپە العاندار سانى – 2371. ەكپەنىڭ 2-ءشى كومپونەنتىن العاندار سانى – 546 148. وتكەن كۇنى عانا ەكپە العاندار سانى – 2954.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار