ب«ىرىنشىدەن, نىسانعا تەحنيكالىق اۋديت جۇرگىزىلدى, تىرەك كونسترۋكتسيالارىنىڭ جارامدىلىعىنا تەحنيكالىق تەكسەرۋ جۇرگىزىلدى. تەحنيكالىق جاي-كۇيىن باعالاۋدى جانە ساراپتامالىق ۇسىنىمداردى العاننان كەيىن نىساننىڭ قۇرىلىسى قايتا باستالدى. بۇل كەشەننەن باسپاناسىن 6 جىلدان بەرى 120-دان استام وتباسى كۇتىپ ءجۇردى. كەشەننىڭ باسقا بلوكتارى بويىنشا دا جۇمىس ءجۇرىپ جاتىر», دەپ جازادى قالا اكىمىنىڭ ءباسپاسوز قىزمەتى.
«كۋرشاۆەل» ۇزاق قۇرىلىسىنىڭ جۇمىسى 2020 جىلدىڭ قاراشا ايىندا قايتا باستالدى. ول كەزدە نىسان تەك 40%-عا عانا سالىنعان, ال سىرتقى ينجەنەرلىك جەلىلەرى بولماعان ەدى. وسىلايشا, ءبىرىنشى كەزەكتە مەملەكەتتىك ساراپتامادان ءوتۋ جۇمىستارى ورىندالدى.
كونستيتۋتسيا كۇنى «كۋرشاۆەل» تك-ءنىڭ 135 ۇلەسكەرى كوپتەن كۇتكەن پاتەرىنىڭ كىلتىن الا باستادى.
ۇزاق قۇرىلىستاردىڭ اۋماعىن اباتتاندىرۋ جۇمىستارى جۇرگىزىلەدى, قازىر ۇلەسكەرلەرگە كىلتتەرىن تابىستاۋ ءراسىمى ءوتىپ جاتىر. قوس پروبلەمالى نىسان بويىنشا اۋقىمدى قۇرىلىس جۇمىستارى جۇرگىزىلدى.
ەلوردادا 2019 جىلدىڭ جازىندا پروبلەمالى 52 ۇلەستىك قۇرىلىس نىسانى بولدى. 2019 جىلدىڭ جارتى جىلدىعىندا قۇرىلىسى ۇزاققا سوزىلعان 10 نىسان سالىنىپ, پايدالانۋعا بەرىلدى. بۇل – 13 كوپپاتەرلى تۇرعىن ءۇي كەشەنى. 2020 جىلى 14 نىساننىڭ قۇرىلىسى اياقتالدى, بۇل – 20 تك.
بيىل ەلوردا كۇنىنە وراي تاعى 21 تۇرعىن ءۇيدىڭ قۇرىلىسى اياقتالدى. 2021 جىلى بارلىعى 57 پروبلەمالىق كوپپاتەرلى تۇرعىن ءۇي كەشەنىن اياقتاۋ جوسپارلانىپ وتىر. وسىلايشا 7 مىڭنان استام ۇلەسكەر كوپتەن كۇتكەن پاتەرىنە يە بولادى.
