قازاقستان • 30 تامىز، 2021

بۇۇ باس حاتشىسى: سەمەي پوليگونىنىڭ جابىلۋى يادرولىق سىناقتار ءداۋىرىنىڭ اياقتالۋىنا جول اشتى

65 رەت كورسەتىلدى

بۇۇ باس حاتشىسى انتونيۋ گۋتەرريش حالىقارالىق يادرولىق سىناقتارعا قارسى ءىس-قيمىل كۇنىنە وراي مالىمدەمە جاسادى، دەپ جازادى Egemen.kz.

بۇۇ باسشىسى قازاقستانداعى سەمەي سىناق پوليگونىنىڭ، بۇرىنعى كەڭەس وداعىنداعى ەڭ ءىرى يادرولىق پوليگونىنىڭ جابىلعانىنا 30 جىل تولاعانىن اتاپ ءوتتى.

«پوليگوننىڭ جابىلۋى توقتاۋسىز يادرولىق سىناقتار ءداۋىرىنىڭ اياقتالۋىنا جول اشتى»، دەپ جازىلعان مالىمدەمەدە.

بۇۇ باس حاتشىسى يادرولىق سىناقتار ادامزات ۇشىنۇلكەن قايعى-قاسىرەت ەكەنىن جانە قورشاعان ورتاعا زيان كەلتىرگەنىن اتاپ ءوتتى.

«سىناقتار ادامداردىڭ دەنساۋلىعىنا اۋىر زارداپ تيگىزدى. كوبى اتامەكەنىنەن قونىس اۋدارۋعا ءماجبۇر بولدى، بۇل ولاردىڭ ءومىر سالتىن بۇزىپ، ءومىر ءسۇرۋ قۇقىعىنان ايىردى. تازا قورشاعان ورتا مەن ەكوجۇيەلەر جويىلدى، ولاردى قالپىنا كەلتىرۋ ءۇشىن ونداعان جىلدار، مۇمكىن عاسىرلار قاجەت بولادى»، دەدى انتونيۋ گۋتەرريش.

بۇۇ باسشىسى سونداي-اق سەمەي پوليگونى جابىلعاننان كەيىن ءۇش ونجىلدىقتا يادرولىق سىناقتارعا قارسى نورما بىرتىندەپ قالىپتاسقانىن، جان-جاقتى تىيىم سالۋ تۋرالى شارت، ياسجتش قابىلدانعانىن اتاپ ءوتتى.

«ياسجتش يادرولىق قارۋ جارىسىن توقتاتادى، جاڭا يادرولىق قارۋدى ازىرلەۋگە تىيىم سالا وتىرىپ، بارلىق يادرولىق قارۋ سىناعىنا تىيىم سالادى»، دەپ اتاپ ءوتتى بۇۇ باس حاتشىسى ءوز مالىمدەمەسىندە.

ول شارتتىڭ الەۋەتى ونىڭ جالپىعا بىردەي مويىندالۋىنا قاراماستان ءالى تولىق كولەمدە ىسكە اسىرىلماعانىنا نازار اۋداردى جانە ياسجتش-نى ءالى راتيفيكاتسيالاماعان مەملەكەتتەردى شاقىردى.

8 قىركۇيەكتە نيۋ-يوركتە يادرولىق سىناقتارعا قارسى حالىقارالىق ءىس-قيمىل كۇنىنىڭ ماقساتتارىن ىلگەرىلەتۋ ءۇشىن بۇۇ باس اسسامبلەياسىنىڭ جوعارى دەڭگەيدەگى پلەنارلىق وتىرىسى وتەدى. سونىمەن قاتار، 7-10 قىركۇيەك ارالىعىندا بۇۇ شتاب-پاتەرىندە قازاقستاننىڭ تۇراقتى وكىلدىگى سەمەي يادرولىق پوليگونىنىڭ تاريحى مەن قايعىلى مۇراسى تۋرالى سيرەك فوتوسۋرەتتەر مەن دەرەكتى بەينەكادرلاردى نازارعا ۇسىنادى.

2009 جىلى بۇۇ باس اسسامبلەياسى قازاقستاننىڭ باستاماسىمەن يادرولىق سىناقتارعا قارسى حالىقارالىق ءىس-قيمىل كۇنىن جاريالادى. بۇل كۇننىڭ ماقساتى – يادرولىق سىناقتاردىڭ قۇرباندارىن ەسكە سالۋ جانە مۇنداي سىناقتاردىڭ قورشاعان ورتا مەن حالىقارالىق قاۋىپسىزدىككە تونەتىن قاۋپى تۋرالى حاباردارلىقتى ارتتىرۋ.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار