مۋزىكانتقا مەموريالدى تاقتا قويىلدى

ونەر يەسى 17 جاسىندا ءدال وسى قارا­شاڭىراقتا فيلارمونيا ءانشىسى رە­تىندە ەڭبەك جولىن باستاعان.

بولات سىزدىقوۆ قاراعاندى قا­لا­سىنىڭ تۋماسى. كەزىندە ول رەس­پۋب­­لي­كالىق «گۇلدەر» انسامبلىندە, سون­داي-اق «اراي» توبىندا ونەر كور­سەتكەن. ال ول قۇرعان «ميۋزي­كولا» دۋە­تى ەلى­مىزدىڭ مۋزىكا كەڭىس­تىگىندە وتە تانى­مال بولدى. ءتىپتى مۋزى­كانت پەن ونىڭ جۇبى كارينا ابدۋللينانىڭ اتىن وسى توپ شى­عار­دى دەسە دە بولادى.

 مۋزىكانتقا ارنالعان ەسكەرت­كىش-تاقتانى سۋرەتشى ۆلا­دي­مير پروتسەنكو مەن ءمۇسىنشى رينات ابەنوۆ جاساعان.

سالتاناتتى ءىس-شاراعا قاتىس­قان قاراعاندى قالاسىنىڭ اكى­مى ەرماعامبەت بولەكپاەۆ بۇل وق­يعا­نىڭ كەنشىلەر استاناسىنىڭ ما­دە­ني ومىرىندەگى ايتۋلى وقيعا بول­عانىن اتاپ ءوتتى.  مەموريالدىق تاق­تانىڭ اشىلۋىندا ءسوز سويلەگەن ەرلان دوسماعامبەتوۆ دوسى تۋرالى ەستە­لىگىمەن ءبولىسىپ, ونىڭ اندەرىنىڭ ادامدى ومىردەگى ماقساتىنا جەتۋگە ۇنەمى قۇلشىندىرىپ وتىراتىنىن ايتتى.

قازاقستان رەسپۋبليكاسىنىڭ ەڭ­بەك سىڭىرگەن قايراتكەرى بولات مۇرات­­ ۇلى سىزدىقوۆ جۇزدەگەن ءان­نىڭ اۆ­تورى. ولاردىڭ اراسىندا كومپو­زي­توردىڭ تۋعان قالاسى قارا­عاندىعا, كەن­شىلەرگە ارناعان تاماشا تۋىندىلارى دا بار.

قاراعاندى