«قۇرمەتتى دوستار!
بارشاڭىزدى قازاقستان رەسپۋبليكاسىنىڭ كونستيتۋتسياسى كۇنىمەن قۇتتىقتايمىن!
كونستيتۋتسيا – تاۋەلسىزدىك پەن مەملەكەتتىلىكتىڭ, ءوسۋ مەن وركەندەۋدىڭ باستى كەپىلى. اتا زاڭىمىز قۇقىقتىق, زايىرلى, الەۋمەتتىك جانە ءبىرتۇتاس مەملەكەت بولىپ قالىپتاسۋىمىزدىڭ نەگىزىن قالاپ بەردى.
ءبىزدى بۇگىنگى جەتىستىكتەرگە جەتەلەگەن بارلىق باستاما, ەڭ الدىمەن, ەلىمىزدىڭ باستى قۇجاتىنا تابان تىرەيدى. الداعى ۋاقىتتا دا مەملەكەت باسشىسىنىڭ ەلىمىزدى جاڭعىرتۋ باعدارىن ىسكە اسىرۋدا كونستيتۋتسيانىڭ ماڭىزى زور. سوندىقتان اتا زاڭىمىزدى ارداقتاۋ – ءار قازاقستاندىقتىڭ ازاماتتىق پارىزى.
مەرەكەمەن قۇتتىقتاي وتىرىپ, ءار شاڭىراققا باق-بەرەكە, ەلىمىزگە بەيبىت ءومىر تىلەيمىن! تاۋەلسىز قازاق ەلى جاساي بەرسىن!», دەپ جازدى سەنات توراعاسى ءوزىنىڭ Facebook پاراقشاسىندا.
