مەملەكەت باسشىسى نۇرسۇلتان نازارباەۆ ەۋروپا قايتا قۇرۋ جانە دامۋ بانكىنىڭ پرەزيدەنتى سۋما چاكرابارتيمەن كەزدەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ ەۋروپا قايتا قۇرۋ جانە دامۋ بانكىنىڭ پرەزيدەنتى سۋما چاكرابارتيمەن كەزدەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
داۆوستاعى دۇنيەجۇزىلىك ەكونوميكالىق فورۋم اياسىندا وتكەن اڭگىمەلەسۋ بارىسىندا مەملەكەت باسشىسى مەن ەۋروپا قايتا قۇرۋ جانە دامۋ بانكىنىڭ (ەقدب) پرەزيدەنتى بانكتىڭ وتاندىق جانە شەتەلدىك ينۆەستيتسياعا كومەك كورسەتۋىنىڭ نەگىزگى تەتىكتەرىن تالقىلادى.
تاراپتار ينفراقۇرىلىمداردى دامىتۋعا باعىتتالعان بىرقاتار پەرسپەكتيۆالىق جوبانى, اتاپ ايتقاندا, ۇلكەن الماتى اينالما اۆتوموبيل جولى قۇرىلىسىن قارجىلاندىرۋعا قاتىسۋ جايىن قاراستىردى.
نۇرسۇلتان نازارباەۆ قازاقستان مەن ەقدب اراسىنداعى ىنتىماقتاستىقتىڭ دەڭگەيى جوعارى ەكەنىن, سونداي-اق, بانكتىڭ ءتۇرلى سالالارعا ينۆەستيتسيا سالۋ ارقىلى ەلىمىزدىڭ ەكونوميكاسىن دامىتۋعا قوسقان ەلەۋلى ۇلەسىن اتاپ ءوتتى. مەملەكەت باسشىسى رەسپۋبليكانىڭ شاعىن جانە ورتا بيزنەسىنە قولداۋ كورسەتۋ جۇمىسىن جالعاستىرۋعا شاقىردى.
س.چاكرابارتي ءوز كەزەگىندە ىنتىماقتاستىقتىڭ تابىستى دامىپ كەلە جاتقانى تۋرالى پىكىرىن بىلدىرە كەلە, وتكەن جىلدىڭ قورىتىندىسىندا قازاقستان بويىنشا جوبالار پاكەتى 450-500 ميلليون دوللار كولەمىندە بولعانىن اتاپ ءوتتى.
ەقدب باسشىسى بانكتىڭ ەلىمىزگە بولىنەتىن قارجى كولەمىن ارتتىرۋعا مۇددەلى ەكەندىگىنەن حاباردار ەتتى. بۇعان قوسا, س.چاكرابارتي ەقدب-نىڭ «جاسىل ەكونوميكا» سالاسىنداعى بەلسەندى جۇمىسىنا نازار اۋداردى, ول ۇيىم جوبالارىنىڭ 50%-دان استامىن قامتيدى.
بىرلەسىپ ىزدەگەننىڭ ۇتارى كوپ
قازاقستان باسشىسى نۇرسۇلتان نازارباەۆ «ارسەلور ميتتال» كومپانياسىنىڭ باسقارما توراعاسى لاكشمي ميتتالمەن كەزدەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
كەزدەسۋ كەزىندە كومپانيانىڭ قازاقستانداعى قازىرگى قىزمەتىنىڭ ماسەلەلەرى تالقىلاندى.
نۇرسۇلتان نازارباەۆ پەن لاكشمي ميتتال كومپانيانىڭ ەلىمىزدەگى مەتاللۋرگيا سالاسىن دامىتۋعا قاتىسۋى, كومبيناتتىڭ تەمىرتاۋداعى قىزمەتى, سونداي-اق, ءتۇرلى ينۆەستيتسيالىق جانە الەۋمەتتىك جوبالاردىڭ ىسكە اسىرىلۋىنىڭ اسپەكتىلەرىن قاراستىردى.
كومپانيانىڭ قازاقستانداعى كاسىپورىندارىنىڭ جۇمىسىنا, سونىڭ ىشىندە ءوندىرىس كولەمىنىڭ تومەندەۋى مەن جۇمىسشىلار سانىنىڭ قىسقارۋىنا بايلانىستى بىرقاتار پروبلەمالىق ماسەلەلەر ءسوز بولدى.
مەملەكەت باسشىسى بۇل ماسەلەلەردى قاراستىرىپ, ولاردى شەشۋ جولدارىن قازاقستان ۇكىمەتىمەن بىرلەسىپ ىزدەۋ قاجەتتىگىن اتاپ ءوتتى.
وزەكتى ماسەلەلەر تالقىلانعان كەزدەسۋ
قازاقستان پرەزيدەنتى نۇرسۇلتان نازارباەۆ ۇلىبريتانيانىڭ ەكس-پرەمەر-ءمينيسترى توني بلەرمەن كەزدەستى, دەپ حابارلادى مەملەكەت باسشىسىنىڭ ءباسپاسوز قىزمەتى.
كەزدەسۋ بارىسىندا حالىقارالىق كۇن تارتىبىندەگى وزەكتى ماسەلەلەر تالقىلاندى.
سونىمەن قاتار, نۇرسۇلتان نازارباەۆ پەن توني بلەر «قازاقستان-2050» ستراتەگياسىنىڭ نەگىزگى اسپەكتىلەرىنە توقتالىپ, ونى ءتيىمدى ىسكە اسىرۋدىڭ باستى باعىتتارىن قاراستىردى.
نۇرسۇلتان نازارباەۆ ستراتەگيانىڭ باستى ماقساتى قازاقستاننىڭ الەمدەگى دامىعان 30 ەلدىڭ قاتارىنا كىرۋى ەكەنىن, ونىڭ كۇش-جىگەر مەن رەسۋرستاردى بارىنشا جۇمىلدىرۋدى قاجەت ەتەتىنىن اتاپ ءوتتى. بۇل رەتتە ءتيىستى ساراپشىلىق-كونسۋلتاتيۆتىك كەڭەستىڭ قىزمەتى ەلەۋلى سەپتىگىن تيگىزە الادى.
-----------------------------------------
سۋرەتتەردى تۇسىرگەندەر
س.بوندارەنكو, ب.وتارباەۆ.
