سپورت • 30 تامىز، 2021

قۇراما قورجىنى تاعى ءۇش مەدالمەن تولىقتى

69 رەت كورسەتىلدى

جاپونيانىڭ باس شاھارى – توكيودا ءوتىپ جاتقان XVI جازعى پاراليمپيا ويىندارىنىڭ العاشقى اپتاسى اياقتالماي جاتىپ، قازاقستاندىق پاراسپورتشىلار ەل قورجىنىنا ءتورت جۇلدە سالىپ ۇلگەردى. بۇل – قازاقستاننىڭ پاراليمپيادا تاريحىنداعى رەكوردتىق ناتيجە.

ءتورت جىلدا ءبىر وتەتىن ءدۇبىرلى دودا­نىڭ ەكىنشى كۇنىندە پاۋەرليفتينگتەن 54 كيلو سالماقتا سىنعا تۇسكەن وتانداسىمىز داۆيد دەگتيارەۆ توكيو تورىندە ءانۇرانىمىز­دى شىرقاتىپ، قازاقستان قۇراماسىنىڭ جەڭىستى جولىن باستاپ بەرىپ ەدى. كەيىننەن ونىڭ جولىن پارا دزيۋدودان ءانۋار ساريەۆ، تەمىرجان داۋلەت جانە زارينا بايباتينا جالعاستىردى. ۇشەۋى دە كۇمىس جۇلدە ەنشىلەدى.

پارا دزيۋدودان 60 كيلوعا دەيىنگى سالماقتا بەلدەسكەن ءانۋار ساريەۆ فينالدا ازەربايجاندىق ۆۋگار شيرينليمەن شەبەرلىك بايقاسىپ، قارسىلاسىنا جول بەردى. ءسويتىپ ول قازاقستان قورجىنىنا پاراليمپياداعى ەكىنشى جۇلدەنى سالدى. جارىستى شيرەك فينالدان باستا­عان وتانداسىمىز باستاپقى بەلدەسۋىندە موڭ­­عوليالىق يادامدورج سۋحبااتاردى ۆا­زاري ادىسىمەن جەڭسە، جارتىلاي فينالدا ۆەنەسۋەلالىق ماركوس بلانكونى مەرزىمىنەن بۇرىن ۇتىپ، فينالعا شىققان بولاتىن. ال ازەربايجاندىق قارسىلاسى فينالعا دەيىن تۇركيالىق رەدجەپ دجيفت­چيدەن جانە رۋمىنيالىق الەكس بولوگادان باسىم تۇسكەن بولاتىن. بۇل سالماقتىڭ قو­لا جۇلدەسىن ازەربايجاندىق ۆۋگار شي­رينليدەن ۇتىلعان تۇركيالىق رەدجەپ دجيف­تچي مەن رۋمىنيالىق الەكس بولوگا ءوزارا ءبولىستى.

وسىلايشا، ءانۋار ساريەۆ پاراليم­پيا ويىندارى تاريحىندا پارا دزيۋدودان قازاقستان ەنشىسىنە العاشقى جۇلدەنى سالدى.

سونداي-اق 73 كيلودا باق سىناعان 30 جاستاعى تەمىرجان داۋلەت فينالدىق بەلدەسۋدە وزبەك فەرۋز سايدتان جەڭىلىپ، كۇمىس جۇلدەگە يە بولدى. ول جارىس بارىسىندا ازەربايجاندىق گازيموۆ ءراميلدى، شيرەك فينالدا ريو پاراليمپياداسى­نىڭ قولا جۇلدەگەرى گەرمانيالىق حوركاس نيكولايدى، ال جارتىلاي فينالدا گرۋ­زيالىق كالداني ءدجوردجيدى تىزە بۇكتىردى. بىراق فينالدا وزبەك سپورتشىسىنا شاماسى جەتپەدى. بۇل سالماقتىڭ قولا جۇلدەسى ۋكراينالىق رۋفات موگومەدوۆ پەن ليت­ۆالىق وسۆالداس بارەيكيسكە بۇيىردى.

ء ۇشىنشى كۇمىستى ەل قورجىنىنا زارينا بايباتينا سالدى. 70  كيلودان جوعارى سال­ماقتا التىن جۇلدە ءۇشىن بەلدەسكەن ول في­نالدا ازەربايجاندىق دۋرساداف كا­ري­موۆادان جەڭىلىپ، كۇمىس جۇلدەگە قول جەتكىزدى.

وكىنىشكە قاراي، پاۋەرليفتينگتەن 2016 جىلعى ريو پاراليمپياداسىنىڭ جا­نە 2018 جىلى دجاكارتاداعى پارا ازيا ويىن­دارىنىڭ كۇمىس جۇلدەگەرى راۋشان قويشىباەۆا جۇلدەلى ورىنعا سىنىق سۇ­يەم قالعاندا ءسۇرىندى. ايەلدەر اراسىندا 67 كيلو سالماققا دەيىن باق سىناعان ­وتانداسىمىز بۇل جولى ءتورتىنشى ورىننان كورىندى. سەگىز اتلەت ونەر كورسەتكەن سىندا وتانداسىمىز اۋەلى 106 كيلونى ءساتتى ەڭسەرگەن. الايدا ەكىنشى مۇمكىندىگىن­دە 112 كيلو زىلتەمىردى باعىندىرا الما­دى. ال سوڭعى مۇمكىندىگىندە ءدال سول سال­ماقتى كوتەرگەنىمەن، بۇل ناتيجە جۇل­دە­گەرلەر قاتارىنان كورىنۋىنە جەت­كىلىك­سىز بولدى. ول وسىدان بەس جىل بۇرىنعى پاراليمپيادادا العاش 108 كيلونى، كەيىننەن 113 كيلونى ەڭسەرىپ، كۇمىس جۇل­دەگەر اتانعان بولاتىن. بۇل سالماقتا ريو پاراليمپياداسىنىڭ چەمپيونى قى­تايلىق تان يۋيتسزياو توپ جارىپ، ەكى دۇركىن پاراليمپيادا چەمپيونى اتاندى. سونداي-اق ول دجاكارتادا دا جەڭىس تۇعىرىنان كورىنگەن ەدى. كۇمىس جۇلدە مى­سىرلىق فاتما ومارعا بۇيىرسا، قولا جۇل­دە نيگەريالىق ولايتان يبرايمنىڭ ەنشىسىندە كەتتى.

سونىمەن قاتار 50 مەترگە باتتەرفلياي ادىسىمەن سۋدا جۇزۋدەن ەرلەر اراسىنداعى S5 ساناتىنداعى جارىستىڭ فينالىندا باق سىناعان قازاقستاندىق سپورتشى سيازبەك داليەۆ 8 سپورتشىنىڭ اراسىندا 5-ورىنعا تۇراقتادى. ول اتالعان قاشىقتىقتى 35.27 سەكۋند ىشىندە ءجۇزىپ ءوتتى. وتانداسىمىز ىرىكتەۋ كەزەڭىندە بۇل قاشىقتىقتى 35.73 سەكۋندتا باعىندىرىپ، فينالعا جولداما العان ەدى.

جەڭىل اتلەتيكادان T35 ساناتىندا 100 مەتر قاشىقتىقتا جارىسقا تۇسكەن تاعى ءبىر وتانداسىمىز سالتانات ابىلقاسىم­قى­زى ىرىكتەۋ كەزەڭىندە توعىزىنشى ورىنعا تۇراق­تاپ، فينالعا شىققان سپورت­شىلاردىڭ قاتارىنا ىلىگە المادى. ول 100 مەتر قاشىقتىقتى 16،54 سەكۋندتا جۇ­گىرىپ ءوتىپ، ءوز توبىندا ءتورتىنشى ناتيجە كورسەتكەن ەدى.

وسىلايشا، جەرلەستەرىمىز پاراليم­پيا ويىندارىنىڭ بەسىنشى كۇنىندە 1 التىن، 3 كۇمىسپەن پاراليمپيادا تاريحىن­دا­عى ەڭ ۇزدىك كورسەتكىشىن (ريو پارا­ليم­پياداسىندا 1 التىن، 1 كۇمىس) جاڭارت­تى. ءدۇ­بىرلى دودانىڭ اياقتالۋىنا ءالى ءبىر ­اپتا بار.

 

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

تاۋەلسىزدىك تۇلعالارى

ەلوردا • بۇگىن، 09:16

ايدا – الەم چەمپيونى!

سپورت • بۇگىن، 09:14

الماتى قالاسى «سارى» ايماققا ءوتتى

كوروناۆيرۋس • بۇگىن، 09:09

«اق بيداي» ويىندارى اياقتالدى

ۇلتتىق سپورت • بۇگىن، 09:03

جاستار جاردەمى

ايماقتار • بۇگىن، 08:55

سەنىم ارت ماعان، تۋعان ەل!

ايماقتار • بۇگىن، 08:54

ساقتانعان ساۋ قالادى

مەديتسينا • بۇگىن، 08:47

وقۋشىلارعا اباي بولايىق

ايماقتار • بۇگىن، 08:42

بالقاشتان تۇز كوتەرىلۋ قاۋپى بار

ەكولوگيا • بۇگىن، 08:18

دامۋدىڭ سەنىمدى ىرگەتاسى

قازاقستان • كەشە

ءىنى-دوسقا ءىلتيپات حات

رۋحانيات • كەشە

ۇقساس جاڭالىقتار