جاڭا قابىلدانعان ۇلتتىق جاساندى ينتەللەكت ستراتەگياسى تۇركيادا ادام كاپيتالىن, زەرتتەۋلەردى, الەۋمەتتىك-ەكونوميكالىق بەيىمدەلۋدى, ينفراقۇرىلىمدى, حالىقارالىق ىنتىماقتاستىقتى جانە دەرەكتەر ساپاسىن قامتيتىن التى باسىمدىقتى قامتىعان.
تسيفرلى ترانسفورماتسيا كەڭسەسىنىڭ باسشىسى الي تاحا كوچتىڭ ايتۋىنشا, بۇل ستراتەگيا ەلدىڭ ىشكى جالپى ونىمدەگى جاساندى ينتەللەكت ۇلەسىن 5 پايىزعا دەيىن ارتتىرۋعا سەپتەسپەك. سونداي-اق وسى سالادا 50 000 جۇمىس ورنى قۇرىلادى.
بۇل سالاعا قازىرگى تاڭدا شامامەن 50 ميلليارد دوللار جۇمسالادى. الداعى بەس جىلدا قارجىلاندىرۋ ەكى ەسەگە ۇلعايادى. كوچتىڭ سوزىنە سۇيەنسەك, جاساندى ينتەللەكت ەكوجۇيەسىن قۇرۋ ءۇشىن ونى بىلەتىن, الگوريتمدەردى, ماسەلەلەردى شەشۋگە جانە وڭدەۋ قۋاتىن دايىنداي الاتىن جۇمىس كۇشى قاجەت.
ء«بىز التى باسىمدىق بويىنشا 119 قادامدى انىقتادىق. ءبىرىنشىسى – جوعارى وقۋ ورىندارىندا باكالاۆريات پەن اسپيرانتۋرا باعدارلامالارىن قۇرۋ ارقىلى ساراپشىلاردى كوبەيتۋ», دەدى ول.
