جالپىۇلتتىق ازا تۇتۋ كۇنىنە وراي كەشە ەلىمىزدىڭ بارلىق مەشىتىندە قۇران حاتىم دۇعاسى جاسالدى. باس ءمۇفتي باستاماسى نەگىزىندە جۇزەگە اسقان يگى ىسكە ەلىمىزدىڭ بارلىق وڭىرىندەگى قۇلشىلىق وردالارى بىرىڭعاي ءۇن قوسىپ, جەرگىلىكتى ۋاقىت ەسەبىمەن ساعات 10.00-دە ءبىر مەزەتتە قۇران وقىلىپ, قازاعا ۇشىراعان مارقۇمداردىڭ رۋحىنا باعىشتالدى.
ەلىمىزدىڭ باس مەشىتى – «ازىرەت سۇلتاندا» وتكەن ساۋاپتى شاراعا قمدب توراعاسىنىڭ ورىنباسارى, نايب ءمۇفتي ەرشات قاجى وڭعار ارنايى قاتىسىپ, قۇران حاتىم دۇعاسىن جاسادى. قاسيەتتى قۇران اياتتارىنان بولعان ساۋاپتى مارقۇمداردىڭ رۋحىنا باعىشتاپ, جارىلىستان زارداپ شەككەن جامبىلدىق جەرلەستەرىمىزگە سابىر مەن شىدام, جەڭىلدىك سۇراپ باتا قايىردى.
ايتا كەتەيىك, بىرنەشە جاننىڭ ءومىرىن جالماپ, اينالاسىن وتقا وراعان قايعىلى وقيعا ورنىنا قازىرگى ۋاقىتتا ەلىمىزدەگى بارلىق وكىلدىكتىڭ ۇيىمداستىرۋىمەن گۋمانيتارلىق كومەك جەتكىزىلىپ جاتىر.
