استانالىق فارحاد مادەنوۆ اقش-تىڭ لاس-ۆەگاس قالاسىندا وتكەن ءحىح حالىقارالىق «ءمولدىر ماگنوليا» بايقاۋىندا باس جۇلدەنى جەڭىپ الدى. بۇل تۋرالى Nur.kz حابارلادى.
ءدۇبىرلى سايىسقا قاتىسۋعا الەمنىڭ تۇكپىر-تۇكپىرىنەن ون مىڭعا جۋىق ورىنداۋشى نيەت ءبىلدىرىپتى. ولار ۆوكال, حورەوگرافيا, اكتەرلىك شەبەرلىك جانە تسيرك ونەرى بويىنشا سىنعا تۇسكەن.
بايقاۋدىڭ العاشقى كەزەڭىندە وتانداسىمىز ەلباسى نۇرسۇلتان نازارباەۆتىڭ ولەڭىنە جازىلعان التىنبەك قورازباەۆتىڭ «ءۇشقوڭىر» ءانى مەن يتالياندىق «La spagnola» ءانىن ورىنداپ, كوپشىلىكتىڭ كوڭىلىنەن شىعا ءبىلدى. سونداي-اق ول سايىستىڭ ەكىنشى كەزەڭىندە دە قازىلار القاسىنىڭ وتىنىشىمەن «ۇشقوڭىر» ءانىن تاعى ءبىر ورىنداپ, ۆوكال نوميناتسياسى بويىنشا باس جۇلدەنى جەڭىپ الدى. تاعى ءبىر قۋانتارلىعى, جەرلەسىمىز لوس-اندجەلەستەگى بەدەلدى وقۋ ورىندارىنىڭ بىرىندە تەگىن وقۋ قۇقىنا يە بولدى.
ءابدىراحمان قىدىربەك.
دەرەككوز: Nur.kz
فوتو: Nur.kz
