وسى جىلى راحات اليەۆتىڭ ۇستىنەن قارجى سالاسىنىڭ قىزمەتكەرلەرىن ولتىرگەنى جانە الاياقتىق جولمەن قوماقتى قارجىنى جىمقىرعانى ءۇشىن قىلمىستىق ءىس قوزعالۋى مۇمكىن. بۇل تۋرالى Mail.ru حابارلادى.
ارنايى جۇرگىزىلگەن تەكسەرۋ قورىتىندىسىنا جۇگىنسەك, راحات اليەۆ ءوزىنىڭ كىناسىزدىگىن دالەلدەۋ ماقساتىندا جالعان قۇجاتتار ازىرلەگەن. ءتىپتى قازاقستاننىڭ باس پروكۋرورى اسحات داۋىلباەۆتىڭ دا قولتاڭباسىن قولدان جاساعان. سوڭعى ايتىلعاندى اقش-تىڭ سوت-مەديتسينالىق ساراپتاماسىنىڭ قىزمەتكەرلەرى دالەلدەپ بەردى.وسىلايشا باسىنا قارا بۇلت ۇيىرىلگەن راحاتتىڭ كەلەڭسىز ىستەرى بىرتىندەپ اشىلىپ جاتىر. الەمدىك دەڭگەيدە اتى ءمالىم بولعان بۇل ايىپكەردىڭ ءوزىن اقتاپ الۋعا ارنالعان حاتتاردى ۇيىمداستىرىپ جازعانى جونىندە 2010 جىلى اقپار تاراعان ەدى. ەندى, مىنە, باس پروكۋروردىڭ قولتاڭباسىن قولدان قويعانى ءمالىم بولىپ وتىر. ال وسىنىڭ الدىندا ۆەناداعى قۇقىق قورعاۋ قىزمەتكەرلەرىنە دۋبايدا تۇراتىن ءبىر ازاماتتان ءالنۇر مۇساەۆ پەن راحات اليەۆكە قاتىستى قۇجات كەلىپ تۇسكەن ەكەن. ول بويىنشا «نۇربانك» قىزمەتكەرلەرى قايتىس بولعان كۇنى ءا. مۇساەۆ, ر. اليەۆ پەن بانكير لەۆ ءناحمانوۆيچتىڭ ءوزارا سويلەسكەنى بەلگىلى بولدى. سوندا راحات فەدەرالدى پوليتسيا مەن ەكس-كانتسلەر الفرەد گۋزەنباۋەرگە جالعان مالىمەتتەر دايىنداۋ كەرەكتىگى تۋرالى ءسوز قوزعاعان.
ەستەرىڭىزدە بولسا, 2008 جىلدىڭ 15 قاڭتارىندا ر. اليەۆكە «نۇربانكتىڭ» ەكى قىزمەتكەرى جولداس تەمىراليەۆ پەن ايبار حاسەنوۆتى ۇرلاپ اكەتتى دەگەن ايىپ تاعىلىپ, سوتتىڭ سىرتتاي شىعارعان شەشىمىمەن 20 جىلعا باس بوستاندىعىنان ايىرىلعان بولاتىن. تاعى وسى جىلدىڭ 26 ناۋرىزىندا اقمولا گارنيزونىنىڭ اسكەري سوتى راحات اليەۆكە بيلىكتى باسىپ الۋعا ارەكەتتەندى دەگەن ايىپ تاعىپ, 20 جىلعا باس بوستاندىعىنان ايىرۋعا سىرتتاي شەشىم شىعاردى. الايدا, العاشىندا اۆستريا اسىپ كەتكەن راحاتتى ەلگە اكەلۋگە سول جاقتاعى قۇقىق قورعاۋ قىزمەتكەرلەرىنىڭ «وعان ەلىندە قىسىم جاسالادى» دەگەن ءۋاجى كەدەرگى كەلتىردى...
دەرەككوز: Mail.ru.
فوتو: Forbes.kz.
