«جامبىل وبلىسى بايزاق اۋدانىنداعى ادام ولىمىنە اكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كۇنى دەپ جاريالايمىن. قازا بولعان اسكەري قىزمەتشىلەر مەن قۇتقارۋشىلار ەرەن ەرلىك پەن ناعىز جانقيارلىق كورسەتتى. ەرلەرىمىزدىڭ ەسىمى ەل جادىندا ماڭگى ساقتالادى», دەپ جازدى قاسىم-جومارت توقاەۆ Twitter-دە.
ەسكە سالا كەتسەك, 2021 جىلدىڭ 26 تامىزىندا ساعات 19:00 شاماسىندا جامبىل وبلىسى بايزاق اۋدانىندا ورنالاسقان اسكەري بولىمدە ينجەنەرلىك وق-دارىلەر قويماسىندا ءورت شىققان. سوڭعى مالىمەتتەر بويىنشا, قايعىلى وقيعادا 12 ادام قايتىس بولىپ, 98 ادام جاراقات الدى. جوعالعانداردى ىزدەۋ جۇمىستارى جالعاسۋدا.
