اقمولالىقتار ەكسپەديتسيا قاتىسۋشىلارىن قالانىڭ كىرەبەرىسىندەگى قاقپا الدىنان قارسى الدى.
كوكشەتاۋدا وبلىس اكىمىنىڭ ورىنباسارى اينا ءمۇسىرالىموۆا قوعام قايراتكەرلەرىنىڭ, وڭىردەگى عالىمداردىڭ قاتىسۋىمەن كەزدەسۋ وتكىزدى.
«بۇل جوبانى وبلىس اۋماعىندا ءبىرىنشى بولىپ قارسى الۋ ءبىز ءۇشىن ۇلكەن مارتەبە. ەكسپەديتسيا قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ اياسىندا وتۋدە, ونىڭ ماقساتى – وڭىرلەردىڭ تاريحي-مادەني جانە تۋريستىك الەۋەتىن تانىتۋ. «اتامەكەن» اتاۋى تاۋەلسىز ەلدىڭ قاسيەتتى بىرلىگىن بىلدىرەدى. كونستيتۋتسيا كۇنىن مەرەكەلەۋ قارساڭىندا بۇل ءىس-شارانى وتكىزۋدىڭ سيمۆولدىق ءمانى زور, ەلىمىزدىڭ قوعامدىق-ساياسي جانە الەۋمەتتىك سالالارىنداعى بارلىق جەتىستىكتەرى ەرەكشە مانگە يە», دەدى قوناقتاردى قارسى العان اينا ءمۇسىرالىموۆا.
اكىم ورىنباسارى وبلىستىڭ سوڭعى جەتىستىكتەرى مەن مەرەكەگە ارنالعان سالتاناتتى ءىس-شارالاردىڭ جوسپارلارىمەن تانىستىردى. ماسەلەن, كوكشەتاۋلىق 200 وتباسى باسپانالى بولسا, قالانىڭ قۇقىق قورعاۋ جانە ەكولوگيالىق قىزمەتكەرلەرىنە 50 پاتەر, ارنايى تەحنيكا بەرىلىپتى.
«ەگەمەن قازاقستان» رگ» اق باسقارما توراعاسىنىڭ ءبىرىنشى ورىنباسارى ۆلاديمير كۋرياتوۆ رەسپۋبليكالىق گازەتتىڭ بۇل اكتسياسى – كيەلى ورىنداردى زەرتتەۋ جانە رەسپۋبليكانىڭ تۋريستىك الەۋەتىمەن تانىسۋ ارقىلى بولاشاققا ۇندەۋ بولاتىنىن اتاپ ءوتتى.
ول, سونداي-اق قازىر ءبىر اكتسيونەرلىك قوعام بولىپ تابىلاتىن باسىلىمداردىڭ رەداكتسيالىق ساياساتى تۋرالى ءسوز قوزعادى. باستى نازار – ەل ومىرىندەگى ەڭ ماڭىزدى وقيعالار تۋرالى جازاتىن, حالىقپەن جانە ايماقتارمەن تىعىز بايلانىس ورناتاتىن گازەتتەر بولۋ. وسى كونتەكستەگى قازىرگى اكتسيا – ۇلكەن جۇمىستىڭ ءبىر بولىگى ەكەندىگىنە توقتالدى
سونداي-اق جۋرناليستەر «ەگەمەن قازاقستان» گازەتىنىڭ 100 جىلدىعى قارساڭىندا جارىق كورگەن باسىلىمداردى تارتۋ ەتتى. ونىڭ ىشىندە 1919-2019 جىلدارى جازىلعان ساكەن سەيفۋللين, ءسابيت مۇقانوۆ, عابيت مۇسىرەپوۆ, ءابىش كەكىلباەۆ جانە ت.ب. اۆتورلاردىڭ ەڭ ۇزدىك ماقالالارى جيناقتالعان بەستومدىق بار. ءوز كەزەگىندە اكىمنىڭ ورىنباسارى ەكسپەديتسيا قاتىسۋشىلارىنا اقمولا وبلىسىنىڭ الەۋمەتتىك-ەكونوميكالىق دامۋىنا ارنالعان فوتوالبوم ۇسىندى.
كەزدەسۋ سوڭىندا تاراپتار ەستەلىك سىيلىقتارمەن الماستى.
