كەزدەسۋ اياسىندا جەدەل اقپارات الماسۋ جانە بىرىڭعاي كارانتيندىك فيتوسانيتاريالىق تالاپتاردى ساقتاۋ ماقساتىندا قازاقستاندىق بىرىڭعاي اۆتوماتتاندىرىلعان باسقارۋ اقپاراتتىق جۇيەسى ەاسۋ اج مەن رەسەيلىك «ارگۋس-فيتو» فەدەرالدىق مەملەكەتتىك اقپاراتتىق جۇيەسى ارالارىنداعى ينتەگراتسيالاۋ جۇمىستارىن جۇرگىزۋ جوسپارى بەكىتىلدى
سونداي-اق «رەسپۋبليكالىق وسىمدىكتەر كارانتينى ورتالىعى» رمم مەن «بۇكىلرەسەيلىك وسىمدىكتەر كارانتينى ورتالىعى» فمبم اراسىندا زەرتحاناارالىق سالىستىرۋ سىناقتارىن جۇرگىزۋ, كارانتيندىك وبەكتىلەردى سايكەستەندىرۋدىڭ وزىق ادىستەرىن قولدانۋ سالاسىنداعى ەكى ەلدىڭ زەرتحانالارى اراسىنداعى ىنتىماقتاستىقتى تەرەڭدەتۋ بويىنشا كەلىسىمگە قول جەتكىزىلدى.
مينيسترلىك «Qaztomat» جشس جىلىجاي كەشەنىنىڭ اۋماعىنان قىزاناق ەكسپورتىن قايتا جاڭداندىرۋ ماسەلەسىن كوتەردى, روسسەلحوزنادزور وكىلدەرى بۇل ماسەلەنى جەدەل قاراۋعا جانە قابىلدانعان شەشىم تۋرالى ۆەدومستۆوعا حابارلاۋعا دايىن ەكەندىكتەرىن ءبىلدىردى.
ەكى جاق وكىلدەرى وسىمدىك تەكتى ونىمدەردىڭ گمو-عا قويىلاتىن زاڭنامالىق تالاپتارى تۋرالى اقپارات الماسىپ, وسى باعىت بويىنشا باقىلاۋدى ءوزارا كۇشەيتۋ قاجەتتىلىگى تۋرالى شەشىمگە كەلدى.
«استىق قاۋىپسىزدىگى تۋرالى» كو تر 015/2011 تەحنيكالىق رەگلامەنتى تالاپتارىنىڭ ساقتالۋىن, ونىڭ ىشىندە استىقتى وزدىگىنەن دەكلاراتسيالاۋدى, ونى دەكلاراتسيالاۋ كەزىندە زەرتحانالىق زەرتتەۋلەر جۇرگىزۋدىڭ تولىقتىعىن باقىلاۋدى كۇشەيتۋ جانە فيتوسانيتاريالىق سەرتيفيكاتتارسىز كارانتينگە جاتقىزىلعان جوعارى فيتوسانيتاريالىق تاۋەكەل ونىمدەرىنىڭ اينالىسىنا جول بەرمەۋ بويىنشا كەلىسىلدى.
ەاەو دەڭگەيىندە وداقتىڭ كەدەندىك اۋماعىنداعى پەستيتسيدتەردىڭ اينالىمى ماسەلەلەرىن رەتتەيتىن «پەستيتسيدتەردىڭ قاۋىپسىزدىگى تۋرالى» بىرىڭعاي تەحنيكالىق رەگلامەنتتى ازىرلەۋ ماسەلەسىنە بىرلەسىپ باستاماشىلىق ەتۋ تۋرالى ۋاعدالاستىققا قول جەتكىزىلدى.
