وقيعا • 27 تامىز، 2021

تسوي جامبىلدا جانساقتاۋ بولىمىندە جاتقان ناۋقاستاردىڭ جاعدايىن ايتتى

165 رەت كورسەتىلدى

جامبىل وبلىسىنا دەنساۋلىق ساقتاۋ ءمينيسترى الەكسەي تسوي باردى. ول جانساقتاۋ بولىمىندە جاتقان ازاماتتاردىڭ جاعدايى تۋرالى ايتتى، دەپ جازادى Egemen.kz.

ء«بىز قاراعان ەكى ناۋقاستىڭ جاعدايى اۋىر بولىپ وتىر. سانيتارلىق اۆياتسيا ماماندارى ەمدەۋدى جولعا قويعان. قازىر كۇيۋ دارەجەسىنىڭ جوعارىلىعىنا بايلانىستى ناۋقاستاردا شوك كۇيى تىركەلىپ وتىر. بارىنشا مەديتسينالىق كومەك كورسەتىلىپ جاتىر. جاعداي تۇراقتاندى. ءبىز اتالعان ناۋقاستار جازىلىپ كەتەدى دەپ ۇمىتتەنەمىز. مەديتسينالىق قاجەتتى بارلىق پروتسەدۋرا سول ماقساتتا جاسالىپ جاتىر»، دەدى ول.

تسوي ناۋقاستاردى ەۆاكۋاتسيالاۋعا قاتىستى جاعدايدى ءتۇسىندىردى.

«ناۋقاستار شوك كۇيىندە بولعاندا، ولارعا تىنىشتىق كەرەك. ءبىزدىڭ دارىگەرلەر ايتقانداي، بۇل جەردە بۇرىننان كۇيىك شالۋدى ەمدەيتىن ءبولىم جۇمىس ىستەيدى. مامانداردىڭ تاجىريبەسى مول. سوندىقتان وڭىردە دە ناۋقاستارعا قاجەتتى كومەك كورسەتىلىپ جاتىر. نۇر-سۇلتاننان مەديتسينا ماماندارى كەلدى. ولار ەمدەۋ تاجىريبەسىن قولدادى. قازىر جاعداي باقىلاۋدا. قوسىمشا كومەك قاجەت بولسا، مىندەتتى تۇردە كورسەتىلەدى. ناۋقاستار قان پرەپاراتتارىن قابىلداپ جاتىر. قان ورتالىعىندا ناۋقاستارعا قۇيىلاتىن قان جەتكىلىكتى. جاڭا عانا ونى ءوزىمىز كورىپ شىقتىق»، دەدى ول.

تسوي، ايتقانداي، ەلوردادان 3 مامان وقيعا ورنىنا جەتكەن.

«جانساقتاۋ بولىمىندە 5 ناۋقاستىڭ جاعدايى اۋىر. قالعاندارىنىڭ جاعدايى جاقسى. بارلىعى قاجەتتى كومەكتى الىپ وتىر»، دەدى تسوي.

 

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار