«باس پروكۋراتۋرا مەن ىشكى ىستەر مينيسترلىگى وقىس وقيعانىڭ ءمان-جايىن جانە كىنالىلەردى انىقتاۋ ءۇشىن سوتقا دەيىنگى تەرگەۋ امالدارىن مۇقيات جۇرگىزۋدى قامتاماسىز ەتسىن. بەسىنشى ماسەلە, ىشكى ىستەر مينيسترلىگى مۇددەلى مەملەكەتتىك ورگاندارمەن بىرلەسىپ, قوعامدىق ءتارتىپتى, ازاماتتاردىڭ قاۋىپسىزدىگى مەن دۇنيە-مۇلكىنىڭ ساقتالۋىن قامتاماسىز ەتۋ ءۇشىن كەشەندى شارالار قابىلداسىن», دەدى ول جامبىل وبلىسىنداعى توتەنشە وقيعا بويىنشا وتكەن شۇعىل جينالىستا.
سونداي-اق, قاسىم-جومارت توقاەۆ قۇزىرلى ورگاندارعا توتەنشە جاعداي تۋرالى جالعان اقپاراتتىڭ تارالۋىنا جول بەرمەۋدى مىندەتتەدى.
«التىنشى ماسەلە, ۇلتتىق قاۋىپسىزدىك كوميتەتى, باس پروكۋراتۋرا, ىشكى ىستەر مينيسترلىگى مەن مۇددەلى مەملەكەتتىك ورگاندار وقيعا تۋرالى جالعان اقپاراتتىڭ تارالۋىنا جول بەرمەۋ ءۇشىن شارالار قابىلداسىن», دەدى پرەزيدەنت.
