وقيعا ورنىنا اپارار جولدار, اۆتوجولدار مەن «تاراز-الماتى» باعىتىنداعى تەمىرجول ۋاقىتشا جابىلعان. قازىرگى كەزدە تاراز قالاسىنىڭ مەكتەپتەرىنە بايزاق اۋدانىنىڭ قاينار, بوتامويناق, جىبەك جولى اۋىلدارى جانە ۇشبۇلاق ستانساسىنىڭ 1 200-گە جۋىق تۇرعىنى ەۆاكۋاتسيالانعان.
جامبىل وبلىسىنداعى اسكەري قويماداعى ءورتتىڭ تۇتانۋى بويىنشا قر قىلمىستىق كودەكسىنىڭ 462-بابىنا (قارۋ-جاراقپەن, سونداي-اق اينالاداعىلارعا قاۋiپ توندىرەتىن زاتتارمەن جانە نارسەلەرمەن جۇمىس ىستەۋ قاعيدالارىن بۇزۋ) سايكەس سوتالدى تەرگەۋ باستالدى. قوعامدىق ءتارتىپتى ساقتاۋ جانە توناۋدى بولدىرماۋ ماقساتىندا ەۆاكۋاتسيالانعان ەلدى مەكەندەردى قورشاۋ جانە پاترۋلدەۋ ۇيىمداستىرىلدى.
سونداي-اق, ىشكى ىستەر مينيسترلىگى تەكسەرىلمەگەن نەمەسە كورىنەۋ جالعان اقپاراتتى تاراتۋعا جول بەرىلمەيتىنى تۋرالى ەسكەرتەدى.
جامبىل وبلىسى اكىمدىگىنىڭ مالىمەتىنشە, وسى احۋالعا بايلانىستى قانداي دا ءبىر تۋىنداعان سۇراقتار ءۇشىن: - 109 تەلەفون ءنومىرى; - 8-778- 810-91-09 ۆاتساپ جەلىسى ارنايى ىسكە قوسىلدى. سونىمەن قاتار, - 8(7262) 51-41-67 تەلەفون ءنومىرى ارقىلى جەدەل جەلىگە حابارلاسۋعا بولادى.
