جەرگىلىكتى پوليتسيا قىزمەتكەرلەرىنىڭ مالىمەتىنشە, شابۋىلداۋشى ءبىرىنشى ديپلوماتيالىق وكىلدىك ورنالاسقان اۋدانداعى قيىلىستا ەكى پوليتسەيگە وق جاۋدىرىپ, قازا تاپقان پوليتسەيلەردىڭ ۆينتوۆكاسىن الىپ, جول بويى اتىس جاساپ فرانتسيا ەلشىلىگىنە بارعان.
تانزانيا پرەزيدەنتى ساميا حاسان سۋلۋحۋ Twitter پاراقشاسىندا پوليتسيا قىلمىسكەردى قاماۋعا العانى جونىندە حابارلادى.
«مەن قازا تاپقان ءۇش پوليتسەي مەن قاۋىپسىزدىك قىزمەتىنىڭ ءبىر وفيتسەرىنىڭ وتباسىنا كوڭىل ايتامىن. ولار دار-ەس-سالامداعى سالەندا اۋدانىندا ورىن العان اتىس كەزىندە مەرت بولدى», دەپ جازدى تانزانيا پرەزيدەنتى.
قىلمىسكەردىڭ بۇل ارەكەتكە بارۋ سەبەبى ازىرگە بەلگىسىز.
