سونداي-اق 2021-2022 وقۋ جىلىندا بارلىق ءبىلىم بەرۋ ۇيىمدارىنا شتاتتىق فورماتتا وقۋعا رۇقسات بەرىلدى.
اۋدان اكىمدەرى, الماتى قالاسى ءبىلىم باسقارماسى, جوعارى وقۋ ورىندارى, جەكەمەنشىك مەكتەپتەر مەن بالاباقشا باسشىلارى پەداگوگتەر مەن پەرسونالدىڭ 100% كوروناۆيرۋسقا قارسى ۆاكتسينا سالدىرۋىن قامتاماسىز ەتۋى كەرەك. بۇل تىزىمگە مەديتسينالىق قارسى كورسەتىلىمى بار ناۋقاستار مەن كەيىنگى 3 ايدا اۋىرعان ازاماتتار كىرمەيدى.
مەكەمەگە كىرەبەرىستە پەداگوگتەر مەن قىزمەتكەرلەر, اتا-انالار, 18 جاستان اسقان ءبىلىم الۋشىلار Ashyq قوسىمشاسى ارقىلى تىركەلەدى.
ال شەتەلدىك ستۋدەنتتەر تۇرعىلىقتى ەلدىڭ ۋاكىلەتتى ورگانى راستاعان Covid-19 ينفەكتسياسىنا قارسى ۆاكتسينانى تولىق سالدىرعانىن راستايتىن قۇجاتىن كورسەتىپ, قازاقستان مەملەكەتتىك شەكاراسىنان وتكەننەن كەيىن 3 تاۋلىكتەن كەشىكتىرمەي پتر ءادىسى ارقىلى كوروناۆيرۋستىڭ جوق ەكەنىن كورسەتكەن جاعدايدا كۇندىزگى وقۋ فورماتىنا جىبەرىلەدى.
قاۋلىعا سايكەس, مەكتەپكە دەيىنگى جانە ورتا ءبىلىم بەرۋ ۇيىمدارىنا, كوللەدج, جوعارى وقۋ ورىندارىنا رەسپيراتورلىق ينفەكتسيا بەلگىلەرى بار ادامدارعا (جوتەل, مۇرىننىڭ بىتەلۋى, تەمپەراتۋراسى 37 گرادۋستان جوعارى), QR-كود بويىنشا تىركەۋ كەزىندە «سارى» جانە «قىزىل» ستاتۋسى بار ادامدارعا, Covid-19 ينفەكتسياسىنا قارسى ۆاكتسينا سالدىرماعان پەداگوگتەر مەن پەرسونالعا كىرۋگە رۇقسات بەرىلمەيدى.
ايتا كەتەرى, «سارى» جانە «قىزىل» ستاتۋس Covid-19 تابىلعان ادام مەن Covid-19 انىقتالعان اداممەن بايلانىستا بولعان كەزدە شىعادى.
