بانكنوتتاردى اۋىستىرۋعا سۇرانىستىڭ كوپ بولىگى الماتى (16,6%), نۇر-سۇلتان (9,7%), قاراعاندى وبلىسىنىڭ (8,8%) تۇرعىندارىنان تۇسكەن. ايىرباستاۋعا قابىلدانعان بانكنوتتاردىڭ نەگىزگى ۇلەسى - 500 تەڭگەلىك بانكنوتتارعا تيەسىلى (47,1%).
ەسكە سالايىق, 2006 جىلى شىققان ۇلگىدەگى 500, 1000, 2000, 5000 جانە 10 000 تەڭگەلىك بانكنوتالارىن قرۇب اۋماقتىق فيليالدارىندا ايىرباستاۋعا بولادى.
جاڭا بانكنوت شىعارىلعان كەزدە ەسكى ۇلگىدەگى بانكنوت 12 اي بويى اينالىمدا پاراللەل جۇرەدى. سايكەسىنشە, ەسكى بانكنوتالار دا, جاڭا بانكنوتتار دا زاڭدى تولەم قۇرالى بولىپ تابىلادى جانە 1 جىل ىشىندە تولەمنىڭ بارلىق قىزمەتى ءۇشىن قابىلدانۋى ءتيىس.
بانكنوت اينالىستان الىنعاننان كەيىن 3 جىل ىشىندە ۇلتتىق بانكتىڭ فيليالدارىندا, ەكىنشى دەڭگەيدەگى بانكتەردىڭ فيليالدارىندا, «قازپوشتا» اق بولىمشەلەرىندە دە ايىرباستاۋعا بولادى.
3 جىلدان كەيىن اينالىمنان شىققان بانكنوتتاردى ۇلتتىق بانكتىڭ بولىمشەلەرىندە مەرزىمسىز اۋىستىرۋعا بولادى.
