سپورت • 26 تامىز، 2021

زاماناۋي ۇستەل تەننيسى ورتالىعى سالىنۋدا

173 رەت كورسەتىلدى

جاقىندا ايماق باسشىسى دانيال احمەتوۆ شىعىس قازاقستان­نىڭ سپورت كلاستەرىندەگى بىرەگەي نىسان – ءتورت قاباتتى ۇستەل تەننيسى ورتالىعىنىڭ قۇرىلىسىندا بولىپ، عيماراتتىڭ جاع­دايىمەن تانىستى.

ەسكەرتە كەتۋ كەرەك، وسىدان جەتى-سەگىز جىل بۇرىن ايماقتاعى ءىرى كاسىپورىن – «كازتسينك» ءوز قار­جىسىنا التى بىردەي ءىرى نىسان، جاز­دا دا، قىستا دا جاتتىعاتىن ۇلكەن تەننيس ورتالىعىن سالىپ بەرگەن بولاتىن.

حالىقارالىق ستاندارتتار بو­يىنشا بوي كوتەرىپ جاتقان نى­ساننىڭ جالپى اۋماعى – 9 مىڭ 600 شارشى مەتر. وبلىس اكىمى كۇن سۋىتقانشا ورتالىق عي­ماراتى تولىق سالىنىپ ءبىتۋى كەرەك­تىگىن ايتتى. مۇندا ەكى سپورت­زال بولادى. ءبىر ۋاقىتتا 250 سپورت­شى جاتتىعادى. جارىس وتە­تىن جەردە 18 تەننيس ۇستەلى قويى­لادى. مۇمكىندىگى شەكتەۋلى جان­دار دا وسى جەردە جاتتىعىپ، دەن­ساۋلىقتارىن تۇزەي الادى.

– بۇقارالىق سپورت كەندى التايدا جاقسى دامۋ ۇستىندە. بۇل كۇن­دەرى وبلىستا بۇقارالىق سپورتپەن شۇعىلدانۋشىلار سانى 30 پايىزعا جۋىق. ءدال قازىر ءوڭىردىڭ 15 ەلدى مەكەنىندە دەنە شىنىقتىرۋ-سپورت كەشەندەرى سالىنىپ جاتىر. ەل پرەزيدەنتى قاسىم-جومارت توقاەۆتىڭ بۇ­قارا­لىق سپورتتى دامىتۋعا قا­تىس­تى تاپسىرماسى اركەز باستى نازاردا. جاقىن ارادا وسى ماقساتتا كەلەلى كەڭەس وتپەك. تەننيس سوڭعى جىلدارى ەلىمىز­دىڭ كەز كەلگەن وڭىرىندە دامي باس­­تادى. ونىڭ ناقتى دالەلى – رى­­باكينانىڭ توكيوداعى تا­بىسى. بىراق ونىڭ فينالعا شى­عۋعا شەبەر­لى­گى جەتكەنىمەن، پسي­حولوگيالىق جاعىنان دا­يىن بولمادى. كەلەشەكتە وسى ورتالىق­تان وليمپيادا جۇلدەگەرلەرى شىعاتىنى ءسوزسىز، – دەدى ءوڭىر باس­شىسى.

كەشەندى ارالاپ بولعان سوڭ، وبلىس اكىمى جاتتىقتىرۋشىلار­دىڭ بىلىكتىلىگى مەن شە­بەر­لىك دەڭ­گەيىن ارتتىرۋ قاجەتتىگىنە توق­تالىپ ءوتتى. قازىردىڭ وزىندە ءۇش دەڭگەيلى ارنايى باعدارلاما جاسالدى. جاقىن جانە الىس شە­تەلدەردىڭ جەتەكشى ماماندارىمەن كەلىسىم­شارت جاساسۋ دا ويدا بار.

 

وڭداسىن ەلۋباي،

«ەگەمەن قازاقستان» گازەتىنىڭ ارداگەرى

 

وسكەمەن

 

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار